Triàngol

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa ünificàda Lombard oriental
Ü triàngol: in rós i trì àngoi

Ol triàngol l'è öna figüra geomètrica piàna, ü polìgon, che 'l gh'à trì vèrtici, trì làti che i và da ü vèrtice a l'óter e trì àngoi. L'è la figüra che la gh'à 'l méno lati de töte, dezà che i n'à ocór giöst trì per dizegnà öna süperfìce seràda. La sóma di trì àngoi dèt in d'ü triàngol l'è de 180 gradi.

I famèe di triàngoi[Mudifega | mudìfica 'l sorgènt]

A segónda de cóme 'l gh'à i lati ü triàngol l' pöl vès:

  • equilàter se 'l gh'à töcc e trì i làti stès compàgn, alùra pò i trì àngoi i è stès tra de lur e i mizùra 60 gradi,
  • izòscele se 'l gh'à adóma dù làti che i è lónch istès e alùra i dù àngoi a la bàze i è gràncc istès,
  • scaléno se 'l gh'è gnà ü làto compàgn di óter e alùra pò i trì àngoi i è diferèncc tra de lùr.
Triangolo-Equilatero.png Triangle.Isosceles.png Triangolo-Scaleno.png
Ü triàngol equilàter Ü triàngol izòscele Ü triàngol scaléno


A segónda de cóme l' gh'à l'àngol piö grant ü triàngol l' pöl vès:

  • retàngol se gh'è ün àngol che 'l mizüra 90 gradi,
  • otüzoàngol se gh'è ün àngol che 'l mizüra piö de 90 gradi,
  • acütàngol se gh'è ün àngol che 'l mizüra de méno de 90 gradi.
Triangolo-Rettangolo.png Triangolo-Ottuso.png Triangle.Acute.png
Ü triàngol retàngol Ü triàngol otüzàngol Ü triàngol acütàngol

Ol perìmeter d'ü triàngol[Mudifega | mudìfica 'l sorgènt]

Per troà ol perìmeter d'ü triàngol gh'è dóma de fà la sóma di trì làti, sedenò se 'l triàngol l'è equilàter mè moltiplicà ol làto per 3.

L'àrea d'ü triàngol[Mudifega | mudìfica 'l sorgènt]

Per troà l'àrea d'ü triàngol mé moltiplicà la bàze per l'altèsa e dividì töt per 2.

Se menimà se cognòs mia l'altèsa s'pöl troà l'istès l'àrea co la Fórmula de Eróne a pàto de cognòs i trì lati.

I diagnonài[Mudifega | mudìfica 'l sorgènt]

I triàngoi i gh'à mia i diagonài.