InterRegio

Quest articol chì l'è scrivuu in lombard, grafia milanesa.

InterRegio a l'è on servizzi spantegaa in d'on quaj Stat Europee, cont di nòmm different, che 'l va de region a region cont on numer de fermaa minor de quell de on treno regional ma pussee de on InterCity.

Per Stat

Belgi

In Belgi i treni InterRegio eren a mità in tra i treni locai e i InterCity, al midemm cost. In del dicember 2014 a hinn staa tolt via.

Svizzera

In Isvizzera i InterRegio, nassuu in del 1997, a hinn assee spantegaa e esercitaa sia di Ferrovij Federai Svizzer che di àlter compagnij minor.

Germania

Dal 1988 al 2003 la Germania la gh'aveva i InterRegio, sostituii in del 2003 cont i InterCity o cont i noeuv Interregio-Express.

Italia

In Italia el treno interregionale a l'è staa istituii in del 1993 insemma al treno regional, per toeu dent i treni espress de dì e on quaj treno dirett. In del 2004 a l'è deciduu de sostituij cont i CityExpress, ma poeu a l'è faa no. In del 2007 la pupart di Interregionai a hinn cavaa via e dal 2010 a hinn sostituii di treni regionai velos.

FER

I Ferrovie Emilia Romagna han doperaa 'sta classificazion finna a fin 2010 per i treni in su la ferrovia Suzzara-Ferrara che, dònca, rivaven in Lombardia.

Danimarca

In Danimarca i InterRegio eren pensaa 'me alternativa sènza prenotazion ai InterCity in di dì festiv e cont men fermaa di InterCity, per gestì i fluss turistich.

Cechia

In Cechia i servizzi de InterRegio a hinn garantii di treni Os (regionai, faa cont i RegioPanter) o Rx (espress de volta qualità, faa cont i InterPanter) e vann anca in Austria.

Polonia

I InterRegio a hinn mittuu in del 2009 in Polonia de la Przewozy Regionalne. Dal 1 de settember 2015 i unich InterRegio a hinn Łódź - Varsavia e Ełk - Grodno, in Bielorussia, per di motiv econòmich. I àlter a hinn staa trasformaa in espress de la PKP Intercity.

Spagna

In Ispagna el roeul de InterRegio a l'è faa de l'InterCity Renfe, che a dispett del nomm el fa on servizzi interregional e mìnga a longa percorrenza.

Ongaria

In Ongaria i InterRegio gh'è dal 13 de dicember 2009 e hinn di treni locai pensaa per vèss mittuu in d'on contest statal.

Vos corelaa