Minuetto (treno)

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Minuetto elettrich

I Minuetto, offizialment ALe/ALn 501-ALe/ALn 502, a hinn di convoeuj guidaa de automotris elettrich o a diesel, e donca classificaa 'me elettrotreni o autotreni. Hinn di variant di Alstom Coradia Meridian e han sostituii i automotris ALn 668 e i ALe 801 dal 2000.

Caratteristich[Modifega | mudìfica 'l sorgènt]

Ogni Minuetto a l'è in composizion bloccada de dò motris e 'na carrozza che comunichen in tra de lor, e l'è possibil unì finna a trè treni insemma se gh'è la necessità. On Minuetto el costa pussee de 3 milion de Euro, el triplo de 'na veggia automotris ma in linia cont i prezz di omologh europee.

El motor del Diesel a l'è compagn de quell del treno AV danes IC4, ma a l'è depotenziaa per adattàss al trasport regional de che l'è destinaa. In general a l'è progettaa per vess a bassa frequentazion e per garantì on bon confort ai viaggiator, che pòden entrà in sul treno senza on desnivell grazia al pianal rebassaa: Per i orb a l'è disponibil el servizzi de indicazion in Braille.

El pò vess dotaa de sistema de straport per i biciclett e de pres elettrich ai tavolitt, che poeu han ispiraa anca i Vivalto.

Specifich[Modifega | mudìfica 'l sorgènt]

Minuetto Diesel

I caratteristich comun a tucc i Minuetto a hinn:

  • Longhezza: 51'900 mm
  • Larghezza: 2'950 mm
  • Altezza: 3'820 mm
  • 24 post in prima class e 122 in segonda
  • Quota del cammin: 600 mm
  • Velocità massima: 160 km/h elettrich, 130 km/h diesel

Operator[Modifega | mudìfica 'l sorgènt]

I operator a hinn:

In total gh'è 248 treni in tra Diesel e elettrich.

Vos corelaa[Modifega | mudìfica 'l sorgènt]