Tram GT4 (Stoccarda)

De Wikipedia
(Rimandad de Tram SSB GT4)
Lumbard ucidental Quest articol chì l'è scrivuu in lombard, grafia milanesa.
Tram SSB GT4
Tram

Agn de costruzion 1959–1965
Quantitaa produxida 380
Costruidor Maschinenfabrik Esslingen
Lungeza 18'800 mm
Largeza 2'200 mm
Alteza 3'160 mm
Capacitaa 47 settaa, 124 in pee
Scartament 1'000 mm
Massa a vœd 19,5 t
Velocitaa massema omologada 65 km/h
Alimentazion De linia aerea

El Tram GT4 a l'è on tram a quater ass articolaa doperaa principalment in su la red di tram de Stoccarda e faa su di Maschinenfabrik Esslingen.

Storia[Modifega | modifica 'l sorgent]

N'hinn staa faa 380, de che 350 mandaa a Stoccarda e i alter 30 spartii in tra la red di tram de Freiburg im Breisgau (19), quella de Neunkirchen (8) e Reutlingen (3). I tram de Stoccarda eren a scartament metrich e unidirezionai, i alter eren bidirezionai e i tram de Neunkirchen a scartament standard, cont quatter unità motris inveci che 2.

Dal 2012, con 107 tram in servizzi, el pussee grand operator del GT4 a l'è la CTP Iași.

Tecnega[Modifega | modifica 'l sorgent]

El tram a l'è staa faa sù perchè i tram a 6 ass eren tropp longh per la red de Stoccarda, piena di viuzz piscinitt e curv.

El sistema del tram l'è faa cont on carrell che 'l regg mità tram e l'alter l'altra mità, sistema che 'l permètt al tram de curvà sènza ris'c de deralià e cont di distanz assee piscinitt in tra i tram.

Unità venduu[Modifega | modifica 'l sorgent]

Dopo che part de la red di tram a l'è deventada, in del 1985, la Stadtbahn de Stoccarda 'na quaj unità de tropp a l'è stada venduda a di alter città:

  • Iași: 107 tram
  • Augsburg: 40 tram (23 poeu venduu a Iași)
  • Halle: 38 tram (27 poeu venduu a Iași)
  • Nordhausen: 12 tram (3 poeu venduu a Iași)

Ulm, Halberstadt, Brandenburg an der Havel, Arad e Kōchi gh'han avuu on numer imprecisaa de 'sti tram per di esposizion o di us temporanei.

Galleria di foto[Modifega | modifica 'l sorgent]

Vos corelaa[Modifega | modifica 'l sorgent]