Torr de Fontanee
|
Quest articol chì l'è scrivud in lombard, con la Noeuva Ortografia Lombarda |
La Torr de Fontanee a l'è un'antiga fortifegazzion che la gh'è a Fontanee, frazzion de Colegh e in sul versant a sud del Legnon
Se pensa che la sibia stada fada su del Bernabò Vescont in del 1357, 'me defesa per el Volt Lagh, forsi 'me renforzament de 'na veggia torr. La gh'ha 'na bas quadrada de 7,5 meter e la gh'ha no di entrade a pian terra, inscì de permeter no a di invasor de entràgh, e l'è volta circa 15 meter.