Tirol-Südtirol-Trentino

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.
I trè regiun:
Tirol
Südtirol
Trentin

La regiun Tirol-Südtirol-Trentino l'è stada fada sü int el 1998 cunt l'intent de fà inscí ch'i quater toch de Tirol - Nordtirol, Osttirol (al didincö Bundesland Tirol), Südtirol e Trentin (Welschtirol) - separáa sin de'l 1918 podan laurà mej insema e fà püssée insema. La culauraziun intra i tríi president di trè regiun duaría suratüt prumöv e solvavardà l'identidáa cultürála de la regiun. Gh'é di setád parlamentar cumün indua tüt e trè i regiun (e di völt anca quater, cunt el Voralberg) lauren insema e renden ancamò püssée prufund i sö ligam cultüraj e pulitegh.

Grazia a l'Üniun Ürupeja i barer pulitegh hin drée a desfass semper püssée, suratüt in de la regiun tirulesa indua un cunfin pulitegh el gh'è pü de agn. La muneda ünega, ciuè l'Euro, la fà anca lée la so part a fà sí ch'i trè regiun vegnan sü insema semper püséee anca a nivel ecunomegh.

La Europaregion la se spantega in sü una süperfiss de 26.254 chilometer quadráa, la cünta 1.594.965 abitant, e la gh'ha na prudüziun lorda de 49,027 mijard de Euro a l'an. Int la Europaregion el se parla Tudesch a nord e Talian a süd. El 1% de la gent la parla 'l Ladin.


Ligam Web[Modifega | modifica 'l sorgent]