Terra armada
|
Quest articol chì l'è scrivud in lombard, con la Noeuva Ortografia Lombarda |
La terra armada a l'è una tecnega doperada per fà pussee fort el terren, in manera de podéll doperà per robe compagne di mur de sostegn, di pee di pont o di viadot, di argin o di mur marin. Anca se 'l principi a la soa bas l'è stad doperad a longh in la storia, l'è di agn 60 del secol quell de 20 che l'è doperada in la forma pussee moderna.
In sostanza, de solet el terren per restà in pè in manera stabil el gh'ha de ciapà 'na forma ripida, a mò de collina, roba che la trasa assee de spazzi. A meter di rinforz in del terren, in principi azzal ma incoeu se doperen soratut i geotessil o i geored despess fad in plastega, se po volzà propi de tant la soa resistenza e la soa capacità de restà insema, e donca se po sbassà el spazzi che ghe voeur per sostegnì 'n oeuvera sora.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Terra armada
