Teater Petruzzelli
|
Quest articol chì l'è scrivud in lombard, con la Noeuva Ortografia Lombarda |
El Teater Petruzzelli a l'è un teater de Bari, el pussee grand de la cità e 'l quart pussee grand d'Italia, e l'è in del center de la cità e de proprietà de la fameja Messeni Nemagna.
Fad su in tra el 1898 e 'l 1903 de la fameja Petruzzelli, in su 'n terren dad del comun, e l'è vert el 14 de fevrer del 1903 cont I ugonot del Giacomo Meyerbeer. In la nocc in tra el 26 e 'l 27 de otover 1991 el brusen, e domà el facc che la doma l'è borlada sgiò e l'ha smorzad i fiame el l'ha salvad del vesser destrugad. In tra el 1993 e 'l 1998 se fann i prim lavorà, cont el sostegn del Stat, ma poeu fornissen i daner, e in del 2002 el se scerniss de dàll al publegh, inscì de podé sistemàll: in del 2006 l'è espropriad ma in del 2008 la Cort Costituzzionala la deciara incostituzzional la lesg che 'l espropria, e inscì el torna a la fameja Messeni Nemagna. In del 2009 fornissen i lavorà e l'è dad indree al comun de Bari, che 'l ciapa domà 'me custod, cont una causa legal che la va inanz de agn e che l'ha vist la proprietà passà prima del comun e poeu a la fameja.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Teater Petruzzelli
