Tarantasio

De Wikipedia
Lombard Quell articol qì l'è scrivud in Lombard, cond l'ortografia Scriver Lombard.
Disegn del drag Tarantasio del Lag Gierond fait da Ulisse Aldrovandi.

El Tarantasio (Tarantas) l'è un drag lejendare qe 'l fava stremir i abitants de le rive del lag Gierond, soratœt ind la zona de Lod. Se pensava qe 'l g'hess de maiar i fiolets, e al spacava su infina le barqe. Col so fiat spuzzent al morbava l'aria e 'l fava vegnir a la jent una forma de malann qe i ciamava la “fevra jalda”.

La prœva qe qella storia qé la g'è da tant temp, la sta per esempe ind el nom de una frazion de Cassan su l'Ada qe la se ciama Tarànta.

Lejenda[Modifega | modifica 'l sorgent]

Segond le lejende popolar, el lag Gierond l’era abitad da un dragon qe el se ciamava Tarànto, cognossid anca col nom de Tarantasio, qe 'l maiava i s'cietin. I cunta su tante storie su qel drag qé, indove però a la fin el drag al ven semper mazzad e 'l lag Gierond al ven sugad. Una storia la dix qe el lag al s'è sugad su perqè l'è intervegnid san Cristoforo, qe al g'ha vencid anca el drag. La storia plussee interessanta l'è forse qella qe la dix qe el drag l'è stad mazzad dal projenitor dei Visconts, qe pœdopo al g'ha catad fœra el bisson col s'cietin in boca come simbol de la so fameia. El bisson al saress l'imajen de Tarantasio, la bestia qe el Viscont al g'haress copad.

La lejenda del drag del Lag Gierond la g'ha ispirad financa el scultor Luigi Broggini qe 'l g'ha catad fœra come model el Tarantasio quand qe'l g'ha cread l'imajen del can a ses çamfe, qe l'è el simbol de l'Eni.

Bibliografia[Modifega | modifica 'l sorgent]

  • C. Fayer, M. Signorelli, Racconti del Gerundo aspetti di un territorio SIED Milano 2001