Switch (programmazion)

Quest articol chì l'è scrivuu in lombard, grafia milanesa.

El switch, o anca switch-case, l'è 'na struttura de controll che la permett de controllà el valor de 'na singola variabil. A segonda del lenguagg la pò vess on bon sistema per ciappà ona decision a segonda del valor de 'na variabil.

Struttura general

El switch l'è dividuu in di case, che disen in pratega cossa fà a segonda del valor de la variabil e ghe pò vess anca on cas default se nissuna scerna l'è dent al case.

SWITCH variabil
     CASE '1': codes_1
     CASE '2': codes_2
END

In la pupart di lenguagg boeugna mett a la fin de ogni case l'istruzion break (comé in del C o in del PHP) o exit (comé in del Ruby) che la "romp" l'istruzion. Se la fuss mia metuda sarien eseguii tucc i istruzion dopo.