Codes sorgent per Svìzzera

{{varda che bél}}
{{Nota de disambiguazion|la polpetta de carna triada e pressada|[[Svizzera (mangià)]]}}
{{LOCC}}
{{stat|
nomAbitants=Svizer|
nomAdess=Svizera|
nomIntreg=Confederazion Svizera|
nomOfiçal=Schweizerische Eidgenossenschaft<br />Confédération suisse<br />Confederazione Svizzera<br />Confederaziun svizra<br />Confoederatio Helvetica|
linkBandera=File:Flag of Switzerland (Pantone).svg|
linkStema=File:Coat of Arms of Switzerland (Pantone).svg|
mot=[[Unus pro omnibus, omnes pro uno]]<br />(''Vün per tücc, tücc per vün'' in [[latin]])|
linkLocalizazion=File:Switzerland in Europe.svg|
lenguaOfiçal=[[Tudesch]], [[Frances]], [[Italian]] e [[Rumanc]]|
capitala=[[Berna]]|
govern=[[Cunfederaziun]] [[Republega direttorial|diretturiala]]
|lesta di capi de stat = [[President del Cunsej Federal de la Svizera|President del Cunsej Federal]]|
president= [[Johann Schneider-Ammann]] |
superfixTotala=41285|
superfixOrden=133|
superfixAqua=3,7|
popolazionTotala=7.399.100 abitant|
popolazionAn=2003|
popolazionOrden=92|
popolazionDensitaa=179|
popolazionDensitaaOrden=44|
valuda=[[Franch Svizer]]|
indipendenza=declarada l'[[01 08|1 d'agust]] del [[1291]], recugnussüda ul [[24 10|24 d'utuber]] del [[1648]]|
orari=[[UTC+1]]<br>[[UTC+2]] <small>([[ura legala]])</small>|
in=[[Salmo Svizzer]]|
TLD=|
telefono=|
festa=1 de agost}}
La '''Cunfederaziun Elvetica''' o '''Svizera''' ([[Lengua italiana|Italian]]: ''Svizzera, Confederazione Svizzera''; [[Lingoa Todesca|Tudesch]]: ''Die Schweiz, Schweizerische [[Eidgenossenschaft]]''; [[Lingoa Francesa|Frances]]: ''Suisse, Confédération suisse''; [[Lingoa Romancia|Rumanc]]: ''Svizra, Confederaziun svizra'') a l'è una cunfederaziun de statt (i ''cantun'') de l'[[Europa]] centrala; la gh'ha per vesin [[Germania]], [[Frància]], [[Italia]], [[Austria]], e [[Liechtenstein]]. Quest paes chì al gh'ha una fort tradiziun de [[neutralità pulitica e militar]], però anca de cuuperaziun internaziunala, vist che l'è la sed de tantin urganizaziun internaziunai.

La versiun latina del sò nom  ufizial: '''Confoederatio Helvetica''', la cunsent da catà minga föra vüna di quatru lengui ufizial. La sua abreviaziun: '''CH''', a l'è quela che se dövra per identificà i dumini web che se referissen a la Svizera a l'[[Internet]].

[[Archivi:Grosse Scheidegg, polygonum.JPG|thumb|left|150px|Ul Grosse Scheidegg]]

== Storia ==
In del [[1291]], di representant di trii cantun d'[[Canton Uri|Üri]], [[Canton Svit|Svitt]] e [[Unterwald]] a firmen la Carta de l'Alianza, che i üniss in de la lüta cuntra el guvernu di [[Asburgh]], che a quel temp el cuntrulava el tron tudesch imperial del [[Sacru Imperi Ruman]]. In la [[bataia de Morgarten]] del [[1315]], i Svizer a baten  l'esercit di Asburgh secüranduss inscí una semi-independenza cume ''Cunfederaziun Elvetica''.

In del [[Trataa da Westfalia]] dal [[1648]], i paes eurupei recugnussen l'independenza de la Svizera dal Sacru Imperi Ruman e la sua neutralità. In del [[1798]], i esercit de la [[revulüziun francesa]] ocüpen la Svizera. El [[cungress de Viena]] del [[1815]] restabiliss la independenza svizera e i putenz europei aceten de recugnuss de manera permanent la neutralità del paes.

La Svizera l'adota una custitüziun federal in del [[1848]], refurmada prufundament intal [[1874]], che la stabiliss la respunsabilità federala par la giüstizzia, la defesa e 'l  cumerc. A partì da alura, l'è cuntinua la süperiurità pulitica, ecunomica e suciala che l'ha caraterizaa la Svizera.

I Svizer a hin cugnusüü per la sua storica neutralità e par avè minga participaa militarment ai guer mundial. In del [[2002]] la Svizera la regiung pienament i [[Naziun Ünii]].

== Guvernu e pulitica ==
La strütüra da l'urganizaziun pulitica de la Svizera la se basa sü trii nivei: [[Cumün]], [[Cantun]] e [[Cunfederaziun]]. Quest trii ambit i gh'ha una ampia autunumia. In cas de dübi, la presa de decisiun la gh'ha lögh in de l'ambit cantunal o cumünal. Questa circustanza la permet che 'l nivel püssee a val da la sfera pulitica naziunala, el Cumün, el gh'abia anca un alt spazzi d'autunumia. I materii che 'l Cumün l'è minga in cundiziun de regulamentà deperlüü a hin avucat dal Cantun, i cumpetenz del qual, al sò turn, a hin cumplementaa da quii de la Cunfederaziun. Questa atitüdin de cuurdinaziun e süport se ciama ''sübsidiarietà'', e l'evita la prepunderanza d'una aministraziun centrala e la cunced dumà aziun de süport a la Cunfederaziun.

Cunt urigin in del termin latin "confœderatio", el cuncet de [[federalism]] el gh'ha cume finalità l'üniun de ent statal equiparabil, la suvranità de la qual la gh'ha da ra l'è garantida da l'istessa. El federalism svizer se carateriza pel sò interess a mantegnì l'autunumia di Cantun, la qual cossa la süpon un principi de la gestiun pulitica del paes: ciapà el nümer de decisiun püssee grand che se pöö in d'una forma des'centralizada.

El püssee alt [[pudè legislativ]] l'ustenta l'[[Assemblea Federal Svizzera|Assemblea Federal]] (el parlament), che l'è cumposta da dò Camer (el [[Cunsei Naziunal]] e 'l [[Cunsei di Stat]]).

I drecc e i cumpetenz de tücc düü i Cunsei a hin identich. I Parlamentari desenvilüpen i sò atività pulitich paralelament a la sua vita prufessiunala e se reünissen nurmalment quatru völt a l'an int i sessiun urdinari (vöna ogni trii mes), che a düren tre setiman.

El Guvernu de la Svizera a l'è cumpost da un Culegi, che in alter paes a l'è equiparabil al Gabinett o al Cunsei di Minister; el cunsist de set member e 'l se ciama [[Cunsei Federal]]. Quest organ chì al custitüiss, dal  [[1848]], l'esecütiv naziunal. Ogni an, vün de quest set member a l'è cataa föra cume [[President del Cunsei]] e del stat; de tüta manera, a l'esercita dumà una funziun representativa.

I Svizer cun drecc a vutà poden inflüì sü la marcia de la Cunfederaziun e di Cantun minga dumà a travers i eleziun, ma anca fasend üs de düü strüment: l'iniziativa e 'l [[referendum]]. Di Cantun hinn ciamaa per di resun storegh [[mezz canton|mezz cantun]].

== Urganizaziun puliticu-aministrativa ==
[[Archivi:Mapa_svizera_növa.png|center|700px]]
La Cunfederazziun Elvetica la se divid in 26 [[cantun]]:
{|
|
* [[Canton Argovia|Argovia]] 
* [[Canton Apenzel de Dent|Apenzel de Dent]]  
* [[Canton Apenzel de Föra|Apenzel de Föra]]  
* [[Basilea-Cità]]  
* [[Canton Basileja Campagna|Basilea-Campagna]]  
* [[Canton Berna|Berna]] 
* [[Canton Friburgo|Friburg]]
|
* [[Canton Ginevra|Ginevra]]
* [[Canton Glaruna|Glarona]]
* [[Canton Grisun|Grisun]] 
* [[Canton Giüra|Giüra]]
* [[Canton Lücerna|Lücerna]] 
* [[Canton Neuchâtel|Neuchâtel]]
* [[Canton Obwalden|Ubvald]]
|
* [[Canton Nidwalden|Nidvald]] 
* [[Canton Sciafüsa|Sciafüsa]]
* [[Canton Svit|Svit]]
* [[Canton Suleta|Suleta]] 
* [[Canton San Gal|San Gall]] 
* [[Canton Türgovia|Türgovia]]
* [[Canton Tesin|Tesin]]
|
* [[Canton Üri|Üri]]
* [[Canton Vales|Vales]] 
* [[Canton Vaud|Vaud]]
* [[Canton Zügh|Zügh]]
* [[Canton Zürigh|Zürigh]]
|}
I cantun a hin dividüü in 2889 cumün. Ogni cantun el gh'ha la sua propia custitüziun, pudè legislativ, guvernu e curt.

== Geugrafía ==
El paesagg svizer a l'è caraterizaa dai [[Alp]], [[Archivi:Wallis Alphubel mg-k.jpg|210px|right|thumb|Alphubel]] un'alta cadena muntagnusa che la passa a travers de la zona central e del süd del paes. Tra i alt pich di Alp Svizer a gh'è 'l [[Pich Dufour]] che 'l tuca i 4.634 meter sura el nivel del mar. In de Pich Dufour sa tröven nümerus valad e giazzee.
Da 'stu lögh i vegnen föra un quaj di fiüm principal da l'Europa, tra i quaj el [[Renu]], el [[Rodan]], l'[[En]], e 'l [[Tesin]]; quij fiüm chì a riven fin a di lagh cume per esempi el [[Lagh Leman]], el [[Lagh de Zürigh]], el [[Lagh de Neuchâtel]] e 'l [[Lagh de Custanza]]. La partida nord de la Svizera, la püssee pupülada, l'è anca püssee averta; de tüta manera l'è mediament muntagnusa. El clima svizer a l'è nurmalment temperaa, però al pöö varià un bell poo secund la lucalità, a partì dal clima sever de l'alta muntagna fin a rivà al dulz micru-clima insübrich de la part süd.
<center>
[[Archivi:Locarno Madonna del Sasso.jpg|500px|thumb|center|Panurama da la [[Madonna dal Sass]] a [[Lucarnu]] in del [[Canton Tesin]] ]]
</center>

== Ecunumia ==
Malgraa l'assenza da resurs natüraj, l'ecunumia svizera la figüra tra i püssee prosper e desvilüpaa del mund. Urientada ai servizzi, cume i banch e i sicüraziun e la mecanica de precisiun, el paes el prudüss suratüt di ben cunt un fort valur giuntaa. El nivel de vita a l'è vün di püssee elevaa in [[Europa]]. De pü, la sua stabilità e neutralità i han traa un gran nümer de capital furest e d'urganizaziun internaziunal cume l'[[Urganizaziun di Naziun Ünii]].

Da tradiziun, la prima part da l'ecunumia svizara  che s'è svilüpada l'è quela tesila: la lauraziun di [[pagn]], sura tüt in dal [[Cantun San Gal|Cantun da San Gal]] e da [[Cantun Zürigh|Zürich]]. Cul pasà di agn l'indüstria tessila l'è quasi scumparida: la Svizara la s'è specializada, a l'incuntrari, a fa i '''machin par ul tesil''' (i telar mecanich, par esempi). Da quela indüstria chi, l'è nassüü quela da precisiun che anmò incö la vegn ricugnussüda ca l'è impurtanta. 

A [[Basilea]] s'è svilüpaa l'[[indüstria chimica]], a la fin dal [[Votcent]] e in di prim dal [[Nöfcent]]. Prima da la [[prima guera mundiala]] l'eva un quint da quela [[Germania|tudesca]], ma l'eva istessa, par grandeza, da quela da tüt i paes da l'[[Europa]] metüü insema. Dopo la [[segunda guera mundiala]], l'indüstria chimica la s'è cuncentrada süla prudüziun da [[medesina|medisinn]]. I impres püssee gross e cugnussü a hinn la [[Novartis]] e la [[Roche]], che lauran tantu föra da la Svizara.

In dala [[Svizara rumanda]] ul desvilüp ecunomich l'è stai tantu inflüenzaa da la [[Rifurma]] di [[Prutestantesim|Prutestant]]. A [[Ginevra]] a hinn nassüü i '''prim banch''' specializaa in dala gestiun di [[patrimoni]] privaa e in dal investiment in dal debat püblich di Stat ([[Piemunt]]es-[[Savoia]], [[Francia|frances]], [[Danimarca|danes]], ...). I banch s'hinn desvilüpaa ben parchè i Rifurmaduu da [[Ginevra]] (suratüt ul [[Calvin]]) metevan mia da limit a l'interes sü i debat e sü i [[danee]] prestaa. Ultra ai banch, ala fin dal Ses'cent i è rivaa in Svizara i prutestant che scapava di [[Catolicesim|catolich]] frances, che an purtaa scià l'indüstria di [[urelogg|urelocc]]. Ala fin dal Nöfcent l'indüstria di urelocc l'eva in crisi e sa pensava da liquidala, da vendigala ai [[Giapun]]es. Però un imprenditur mez [[USA|american]] e mez [[Liban|libanes]] che al stava in Svizara, ul [[Nicholas Hayek]], l'è riüssii a rimetala in urdin: l'ha creaa la [[Swatch]] (una parola che la vegn da ''Second'' e [[Watch]]), la [[fabrica]] specializzada a fa di ureloc da [[plastiga]], tantu culuraa, mia tantu custus, ma che i funziona ben. E par che l'è riüssii.

L'indüstria di '''rop da mangià''' la fa anca part da la tradizun svizara: chi i gent di munt an sempru lauraa ul [[lacc]] e par conserval favan ul [[furmacc]]. Anmò in dala svizara rumanda a i incuminciaa a mercia sü ul lacc cul [[cacao]] e i [[nisciöla|nisciöl]] e an fai ul [[ciculat]]. La Svizara la s'è propri cuncentrada süla lauraziun dal lacc e tra i do guer mundiai l'a cuminciaa a fa ul lacc in pulbura da vendigh ai [[suldaa]] american e ingles. Pöö l'ha pensaa da fa ul [[cafè]] cuncentraa da slunga là cun l'aqua. L'eva la [[Nestlé]] che l'ha fai un [[Nescafé]]. Mo l'è vüna di impres püssee gros da rop da mangià.

Dala fin dal Votcent i Svizar an cumincià a urganizà ul setur '''türistich''': i prim che vegneva scià evan i [[Inghiltera|Ingles]] che vureva vidè i muntagn. L'è stai l'ucasiun da fa ammò püssee bel ul paes (da tegnal bel net, mia rüinal cun trop custrüziun, cüral) e da met in cantier i [[feruvia|feruvii]] di [[muntagna|muntagn]] (cum'è la [[Feruvia Retica]], che mo' l'è patrimoni da l'[[UNESCO]]). In dal Nöfcent è rivaa sempru püssee türista che sura tüt vurevan [[Sci|scià]]: s'è svilüpaa suratüt i post di [[Cantun Grisun|Grisun]] ([[Davos]], [[Arosa]], [[San Moritz]]), in dal [[Oberland]] bernes ([[Interlaken]], [[Spiez]]) e in dal [[Goms]].

A part quii da [[Ginevra]] (che però l'è vegnüda denta in dala Svizara dumà in dal 1815) i banch mist - üniversai - (dunca i banch che fa investiment indüstriai e tiran sü i risparmi) in Svizara hinn rivaa cun un puu da ritard. S'evan difundüü tantu i cass da risparmi in di prim dal Nöfcent, ma bisögna specià la segunda metà dal Votcent par vidè i '''gross banch''' indüstriai. I püssee gros in qui da [[Basilea]] (ul [[Baslerbankverein]], mo la sa ciama [[UBS]]) e da Zürich ([[Crédit Suisse]]) che in nassüü per ütà ul svilüpp di feruvii. Poch prima dala segunda guera mundiala s'hinn specializaa a gestì i patrimoni privaa, cumé favan prima i banch privaa da [[Ginevra]]. Dopu la guera in Svizara i è vegnü scià un bel puu da danee di alter paes. Da solit sa dis tri mutiv: '''la stabilità''' dal paes e dala sua [[muneda]] (ul [[Franch Svizer|franch]], che al sa möf mai e l'ha mia cugnussüü l'[[inflaziun]] dal [[march tudesch]], dala [[Lira italiana|lira]] o dal [[franch frances]]), ul '''principi dala discreziun par ul client''' (chi ul Staat al po mia dumandat quel che gh'heet da part) e la '''sicüreza dal paes''', sura tüt quela istitüziunala (i legg cambian rarament, mia d'un di cun l'altru) ma anca la sicüreza dala [[criminalità]], che in Svizara l'è pitost basa.

El Paes l'è part de la [[Suciaziun Europea de Liber Scambi]] ma mìnga del [[Spazi Ecunomich Europee]].

== Cültüra ==
[[Archivi:Swiss languages.png|right|thumb|200px|Distribüziun di lengu ufizial in Svizera]]
La Svizera l'è stada inflüenzada da divers di magiur cültür europei, a partì dai sò pràtich cültüral fin a rivà a i sò idiomm. In Svizera esísten quatru idiom ufizial: 
[[tudesch]], [[frances]], [[italian]] e  [[rumanc]]. 
El [[tudesch]] a l'è parlaa al nord e centru dal paes (64%, giald): a l'è par la püpart el dialet svizer cugnusüü cume ''[[Schwyzertüütsch]]'', però int i media da cumünicaziun sa dövra el [[Tudesch]].<br />
El [[frances]] a l'è parlaa a ovest (19%, purpura).<br />
Al süd al esiist una sitüaziun de [[diglussia]]
[[lumbard]]/[[italian]] (8%, verd), e chì el Lumbard a l'è ben preservaa e vital; in di media de cumünicaziun se dövra l'Italian, però di trasmissiun in lumbard a hin ucasiunalment trasmetüü.<br />
Ültim, ma minga daree, una zica minuranza la parla [[rumanc]], in del cantun süd-est di  [[Grisun]] (<1%, vermèi). 
Un bell poo de Svizer a parlen püssee d'un idioma; e 'l 20% de la pupulaziun al 'è furmaa da resident e lavuradur tempurari stragnee.

La religiun püssee praticada in Svizera a l'è el [[catolicesim]] ruman o ambrusian, al qual al apartegn ul 41% da la pupulaziun; dopu al ven ul  40% da [[prutestantesim]] e, dopu la imigraziun el s'è stabilii l'[[Islam]] cunt un 4% da la pupulaziun, e 'l cristianesim urtudoss cunt un 2%. Ul 2,5% el fa part de ges prutestant libar. El 11% el ghe cred no. La stabilità e prusperità de la Svizera, cumbinada cun la sua diversità de pupulaziun l'ha faa sì che vügn i descriven el paes cume un stat cunsuciativ.

I Svizer a hin cugnussüü anca per i sò banch, la sciculada, i furmai e i urulögg.

El [[01 08|1 d'agust]] de ogni ann se celebra la [[Festa Naziunala Svizera]]. La terza dumeniga da setember, prutestant e catolich ringrazian el Signur per la Svizera.

== Riferiment ==
*[http://www.treccani.it/enciclopedia/svizzera/ Enciclopedia Treccani]
<references />

{{Stat de l'Europa}}
{{Lista1000}}
[[Categuria:Svizzera| ]]