Stuva
La stuva (anca pigna, fornell[1]) l'è on lavorà faa de ghisa, de ceramega o de azzal che l'è doperaa per scoldà i stanz de la cà.
Ghe n'è de tanti modei diferent, che muden anca per el tipo de lavor che 'l ven brusaa 'me combustibel (legna, metan, carbon, gas, pellet...).
In general el scolda pussee d'on camin, perchè 'l gh'ha ona superfis pussee esposta al contatt con l'aria de l'ambient che 'l gh'ha de vess scoldaa.
I stuv che fonzionen con la legna poeuden vess doperaa anca per coeus el mangià.
El nomm[Modifega | modifica 'l sorgent]
La parolla stuva la rivariss del latin volgar stufa, che forsi l'è on termen de origin germanega[2] (anca se alter disen che l'è de origin romanza[3]). L'è doperaa in vari lengov romanz (catalan e spagnoeu estufa, italian stufa...).
El termen pigna l'è doperaa in tutta la Valtolina, in del Tesin e in di Grison (anca in romanc).
Infina, la parolla fornell l'è doperada in d'on quai sit de la Lombardia oriental, in tutt el Trentin e de scià e de là in Piemont e in Venet.