Strato (nivola)

Quest articol chì l'è scrivuu in lombard, grafia milanesa.

El strato (in latìn stratus, abbreviazion St) a l’è ona nivula bassa e soeuli, compagna de la scighera ma in quòta, sviluppada in orizzontal de colór gris variàbel. L’è el tipo de nivola pussée bassa, a ona altèzza compresa infra i 0 e i 2 km, la soa base la pò rivà di volt fin anca al soeul e ‘l sò spessór el pò andà da ‘na quaj desèna a ‘na quaj centèna de meter. ^[1] El strato el pò originà di pioeuv o nevicàd mà puttòst débol, a differenza di nembostrati, ma de sòlti di strati ven giò nissuna precipitazion, di vòlt fann diminuì la visibilità quand che hinn tròpp arent al soeul. ^[1]

Formazion

I strati se formen per el raffreddament di strat pussée bass de l’atmosfera (quand ch’i succeden i inversadur tèrmich o quand che la scighera la leva su dòpo el riscaldament del soeul). ^[1] El strat el pò ancasì formàss quand che on strat d’aria calda e ùmeda e el leva su dal soeul, iscì che la sò pression la diminuìss e ‘l ven pussée frècc per raffreddament adiabategh, donca la soa umidità la se condensa. ^[2]

Stati sora i cumul

La presenza de strati sora i cumul l'è caosada de la presenza d'ona inversadura tèrmica che però se la se romp la pò ingenerà di fòrt temporaj.^[3]

Speci

Gh’è dò speci de strato:

Stratus fractus (St fra);
Stratus nebulosus (St neb).

Varietaa

Gli strati pòden vèss de trè divèrsi varietaa:

Stratus opacus (St op);
Stratus translucidus (St tr);
Stratus undulatus (St un).

Galleria d'immagin

Vista de sòta...
...de denter...
...e sora on livèll de strati.

Bibliografia

Salvatore Abate, Lezioni di meteorologia generale, 2, Napoli, Liguori editore, 1986. 978-88-08-07315-0
(EN) Stratus. URL consultad in data 30 agosto 2014. (arqiviad de l'url orijenal in data 17 marzo 2014)
World Meteorological Organization (a cura di), International Cloud Atlas (in en), Ginevra, Secretariat of the World Meteorological Organization, 1975, Vol. 1. 92-63-10407-7 URL consultad: 31 agosto 2014.

Vos correlaa

Ligamm de feoura

(EN) IUPAC Gold Book, "stratus cloud"

Riferiment

↑ ^1,0 ^1,1 ^1,2 Mario Giuliacci (2010). Manuale di meteorologia (in italian). Alpha Test, 493. ISBN 88-483-1168-7.
↑ Stratus Clouds. Weather. USA Today (16 October 2005). Recuveraa el 2 January 2014.
↑ Gabriele Formentini (2009). Temporali e e Tornado (in italian). Alpha Test, 31. ISBN 978-88-483-0992-9.

[giuliacci-1] 1,0 ^1,1 ^1,2 Mario Giuliacci (2010). Manuale di meteorologia (in italian). Alpha Test, 493. ISBN 88-483-1168-7.

[USAToday-2] Stratus Clouds. Weather. USA Today (16 October 2005). Recuveraa el 2 January 2014.

[3] Gabriele Formentini (2009). Temporali e e Tornado (in italian). Alpha Test, 31. ISBN 978-88-483-0992-9.

[1]

[2]

[3]