Strada statal 703 Tangenzial Est de Noara

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

La Strada statal 703 Tangenzial Est de Noara a l'è 'na strada statal italiana che la conliga la SS11 con la SS32 inscì de passà no per el center de Noara. Prima la se ciamava Noeuva Strada ANAS 88 e l'è verta del 1983.

Storia

Noara la gh'haveva de besogn de temp de 'n infrastrutura per mandà el trafegh minga destinad a la cità foeura del center abitad, donca in di agn '80 a scomincia el lavorà per 'na noeuva arteria stradal. El prim toch, in tra la SS32 e la SP1 per Camer, a l'è fornid el 14 de sgiugn 1983, menter el segond, in tra la SP2 e la SS11, el 27 de avril 1985.

Un terz toch a l'è catad foeura de slongàlla, cont una noeuva trata in tra la SS11 e la SS211 de la Lumellina, che l'è verta el 19 de dicember 1992. Un alter toch, che 'l permet de rivà a la SS11 de ovest, l'è vert al trafegh el 5 de sgiugn 2004.

In del 2005 a l'è classifegada provisoriament 'me Noeuva Strada ANAS 88, in del 2011 a l'è ofizzialment classifegada 'me statal con l'itinerari "Innest con la SS32 a Argin - Innest con la SS11 arent a Noara".

Percors

La strada la scomincia in corrispondenza con la SS32 a Nord de Noara, in località Argin de Camra e la forniss in del Cors Vercej de Noara, indova che la se conliga a la Padana de Sota. La permet donca de evità el center urban e de rivà diretament a l'Autostrada A4 o in su la statal, per rivà a Milan o a Vercej. A l'è 'na strada extraurbana principala a do corsie de marcia per sens, con la carensgia partida de 'n spartitrafegh. El limit de velocità a l'è de 90 km/h.

Tabella

Tipo	Indicazzion	km	Provincia
Tangenzial Est de Noara
	Tesinesa Noara - Arona - Lagh Magior	2,5	NO
	Noara-Camer Noara - Camer	4,6
	Turin-Milan svincol Noara Est Noara - Reoport de la Malpensa - Gallaratesa	6,6
	Gallaratesa Noara - Galliaa	8,0
	ex Padana de Sora Noara est	9,4
	ex Padana de Sora Trecaa - Milan	9,7
	ex de la Lumellina Noara - Mortara	12,4
	Noara-via Gorizzia Torrion Quartara	14,2
	Noara-via F. Generali Torrion Quartara	15,9
	ex Padana de Sora Noara-Cors Vercej- Vercej	18,7

Riferiment

Archivi la Stampa

Alter proget

Wikimedia Commons el gh'ha dent imagin o alter archivi su Strada statal 703 Tangenzial Est de Noara