Strada extraurbana segondaria
|
Quest articol chì l'è scrivud in lombard, con la Noeuva Ortografia Lombarda |
Quella de strada extraurbana segondaria a l'è una classifegazzion tecnega di strade per la normativa italiana, che la gh'ha dent tute i strade che, foeura de 'na cità, a inn a 'na carrensgia cont almen una corsia de marcia per sens, oltra a quei a carrensge separade fade su con la veggia normativa e che donca inn no strade extraurbane principai.
Gh'hann no un segnalament specifegh, ma se po savé che finissen grazzia ai segnai che dann inizzi a 'na strada urbana, quei de color bianch. In sui strade extraurbane segondaria a gh'è no di limitazzion specifeghe a la circolazzion, e donca besogna metij in ciar se gh'è con di segnai, e 'l limit de velocità massim possibel a l'è de 90 km/h.