Strada provincial 40 Binasch-Meregnan
|
Quest articol chì l'è scrivud in lombard, con la Noeuva Ortografia Lombarda |
| Strada provincial 40 Binasch-Meregnan Binasca | |
|---|---|
 | |
| Localizazion | |
| Stat |  |
| Rejon | Lombardia |
| Province | Cità Metropolitana de Milan |
 | |
| Dats | |
| Classifegazion | strada provincial |
| Principi | Binasch |
| Fin | Meregnan |
| Lungeza | 18,2 km |
| Percors | |
| Principai intersezion | ex-SS35 di Giov, SS9 Via Emilia |
La strada provincial 40 Binasch-Meregnan, ciamada de solet la Binasca, a l'è 'na strada provincial de la Cità Metropolitana de Milan, che la conliga insema la ex-SS35 di Giov de Binasch con la Via Emilia a Meregnan. Longa 18,2 km, a l'è 'n arteria propi importanta del Sud Milan, desgià che la conliga anca l'Autostrada del Sol con l'Autostrada A7.
La strada la passa per i comun de Binasch, La Ciarella, Basej, Sizzian, Locaa, Carpian e infina Meregnan, e la se incrosa con la SS412 e l'A1, oltra a passà sora al Lambret. A l'è per la pupart 'na strada extraurbana segondaria cont una carensgia e do corsie de marcia, foeura che per el svincol con l'A1 a Meregnan e a La Ciarella indova che gh'è el center commercial El Girasol, indova che gh'è do corsie separade de 'n spartitrafegh. A gh'è nissun incros regolad de semafer, ma inn tucc regolad con di rondò. A l'è, a bon cunt, in proget un slargament de la strada per fàlla tuta 'me strada extraurbana principala, ma i sindegh a inn contrari a cambiànn el percors, desgià che el trafegh a l'è per la pupart local.
La Binasca a l'è anca tristement cognossuda per el degrad che gh'è arent, cont i bord de la strada che inn pien de ruvera, de carcasse de machine e gh'è anca 'na mota de prostituzzion, per quella reson chi la pupart di comun gh'hann di ordenanze contra quei che ghe vann per ciollà.
Riferiment
[Modifega | modifica 'l sorgent]- Sp 40 Binasca: i Comuni, «no ad un'autostrada o superstrada»
- Da Melegnano a Carpiano, il viaggio da incubo lungo la Binasca
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Strada provincial 40 Binasch-Melegnan
