Strabun

De Wikipedia
Va a: navegá, truvá
Lombard Occidental Quel articul chì l'è scrivüü in Lumbard ucidental urtugrafia ünificada.



El Strabun

Strabun (Latin: Strabo; Grech: Strábōn) al era un geògraf e scrituur Greech nassüü a Amasia a metaa dal sécul I aC e mòort veers l'an 20 dC.

Al dessendeva par paart da la suva màdar d'una famèja Grega nutàbila, in la quala al figurava ul sò gran-pàdar Moaferne. Al stüdia a Nisia da Caria indúe al gh'a par maèstar ul retòregh e gramàtegh Aristodem, ul filòsuf peripatétich Xenarc de Seleucia, e Tiranio. Al cumpleta la suva istrüzziun cun di luunch viacc par Grecja, Itàlia e Egitt, e al cugnuss di òolt lööch par di relata da viagjaduur da la suva épuca. Cunt i söö pròpi esperieenz e i relata cumpilaa, al scriif una "Geugrafia" (Geographica) dividüda in 17 líbar, pràtegameent tücc cunservaa. In le suve descrizziun al dà preferenza al clima, prudüzziun, muralitaa, üüs, custümm, religjun, istitüzziun, evi . e al cita frequentameent i Greech Ipaarch, Eratóstenes, Pulibi e Umeer, e Gjüli César par la descripzziú di Gàlii.


Ul Strabun al pöö töö i söö daat sura l' Hispània Citerior da Maarch Vespasian Agripa (+ 12 aC), che cuma cumandaant da la flota rumana al eva tòolt paart int i guèer càntaber, e anca dal sturiaduur greech Timagenes, nasüü a Alexandria e trasferii a Roma ul 55 aC (da prima cuma parsunée da guera; però dapress, líberaa, al derviss una scöla da retórega).