Stendhal
Marie-Henri Beyle, mej cognossuu cont el nomm de Stendhal (Grenoble, 23 de genar del 1783 - Paris, 23 de marz del 1842) l'è staa on scrittor frances.
A l'è staa vun di pussee important autor de romanz de la letteradura francesa. I sò romanz 'me La Certosa de Parma e El Ross e 'l Negher hinn tra i pussee famos de la letteradura francesa del Vottcent, lengiuu e cognossuu anca al dì d'incoeu.
El Stendhal a l'era anca on apassionaa de l'art, e on gran stimador de l'Italia, indè che l'ha vivuu per tanti agn, prima 'me viaggiador (e compagnador del Napoleon), poeu anca 'me consol del Regn de Francia.
El gh'ha voruu inscì tant ben a Milan che in su la soa tomba l'ha faa scriv Arrigo Beyle - milanese.