Spriss
|
Quest articol chì l'è scrivud in lombard, con la Noeuva Ortografia Lombarda |
El spriss (scrivud anca spritz) a l'è un drink longh alcolegh tipegh del Veneto, fad de vin bianch, de sovenz prosech, un amar (i pussee doperad inn el Campari e l'Aperol) e l'aqua de Seltz. Del 2011 l'è vun di drink ofizzial de l'International Bartenders Association.
Per la tradizzion, el saria nassud in Veneto, a l'epoca part de l'Imperi d'Austria, indova che i trupe austrieghe tajaven i vin locai, per lor trop fort, con l'aqua gassada, de chi el nom "spritzen", del todesch "spruzà", che la se spantega poeu in del rest del regn Lombard-Veneto e anca in Trentin. In di prim agn del 1900, in tra Venezzia e Padoa, el se scomincia a "smagiàll" con di amar, compagn de l'Aperol o del Select e l'è quella version chi che, grazzia al boom economegh italian, la se spantega ancamò in Veneto, in tuta l'Altitalia, in la Penisola e poeu in tut el mond.
Una varietà tipega lombarda del spriss a l'è el pirlo bressan, che però forsi el s'è desvilupad deperlu.
Bibliografia[Modifega | modifica 'l sorgent]
- R. Pasini, Guida allo spritz, 2012, ISBN 978-88-96771-42-6
Alter proget[Modifega | modifica 'l sorgent]
Wikiversità el gh'ha dent risorse su Spriss
Wikimedia Commons el gh'ha dent imagin o alter archivi su Spriss
