Sosumi

Quest articol chì l'è scrivuu in lombard, grafia milanesa.

Sosumi l'è 'n son de sistema del OSX nassuu con l'Apple System 7. L'è staa creaa in del 1991 dal Jim Reeks. El nomm el vegn da la fras inglesa "so sue me", ossia "famm causa", ligaa a la causa con la Apple Corp.

Storia

Sosumi l'è 'n tochelinn de musega sonada cont el xilofon che l'è rivaa a vess famos in del mond informadegh per la scerna del sò nomm.

De facc, longh el desvilupp del System 7, la Apple l'ha faa on accord con la Apple Corp, la cà di Beatles, e l'è staa deciduu che la Apple Computer la podeva minga vend ròba musegala.

Donca, quand che i desviluppador del System 7 voreven mett di fonzion musegaj al sistema, s'hinn scontraa cont i avvocaa, che voreven demusegalizzà pussee che poeuden el sistema: Per esempi han evitaa tucc i riferiment a la nota musegala, e han parlaa de frequenza.

El noeuv son de allerta del Jim Reekes el gh'aveva de ciamàss "chime" ("son de campana"), ma i avvocaa han voruu no. Donca l'ha parpognouu ironicament "Let it Beep", con riferiment a la canzon Let it Be di Beatles. Quand che la soa ideja l'è stada accettada no, l'ha dii, esasperaa, "so sue me", ossia "fàmm causa".

Donca dopo, per iscritt, l'ha mandaa ai avvocaa el nòmm "sosumi", omofon de "so sue me", e l'ha dii che l'era giappones, e l'è staa approvaa.

Riferiment

• Meet the man who created Apple's most iconic sounds — Sosumi, the camera click and the start-up chord