Apple System 7

De Wikipedia
Lumbard ucidental Quest articol chì l'è scrivuu in lombard, grafia milanesa.

El System 7 (nòmm in codes Big Bang, per i tant mudad vegnuu con la noeuva version del sistema) l'è staa on sistema operativ de la Apple per i Macintosh.

Storia[Modifega | modifica 'l sorgent]

La prima version del System 7 l'è gnuda foeura el 13 de magg del 1991. L'è staa l'ultim sistemma de la Apple a ciamàss domà "System", vist comé on tocch del computer.

Fonzion[Modifega | modifica 'l sorgent]

El System 7 l'ha portaa on mucc de robba noeuva in del sistemma, se paragonaa al System 6. Per esempi:

  • El multitasking cooperativ integraa in del sistemma, primma disponibel domà cont el Multifinder. I Accessori de Scrivania, forma primitiva de multitasking del System 6, hinn staa mantegnuu ma con ris'c de instabilitàa.
  • El pannell de controll l'è staa dividuu in tocch per ona gestion pussee bonna.
  • Mittuu i alias, ossia i ligamm
  • AppleScript, ossia on lenguagg de scripting fazil de doperà in del utomatizzà i operazion pussee comun.
  • Support per i color a 32 bit finn de subit. Cont el System 6 l'era domà on' estension.
  • Noeuva GUI a color, ma compatibel cont i vegg modej bianch e negher.
  • Noeuva gestion del son, pussee netada e desligada di sched.
  • Noeuva gestion de la memoria, pussee orientada ai 32 bit

Curiosità[Modifega | modifica 'l sorgent]

I desviluppador del System 7 eren ciamaa "blue meanies", dal film Yellow Submarine di Beatles. 'Sto nòmm chì le dovuu al facc che, longh el brainstorming per cattà di idej per el noeuv sistemma Apple, i idej pussee normaj per el prossem sistemma hinn staa scrivuu in su di cart bloeu, quej pussee innovativ in sui cart roeus, e hann daa vitta al progett Pink.