Sofia Viscardi
La Sofia Viscardi (Milan, 11 de magg 1998) a l'è 'na scrittora e youtubista italiana.
Biografia[Modifega | modifica 'l sorgent]
Nassuda a Milan, la frequenta el Licee classegh per poeu passà al Licee di Scienz Uman, indeche la se diploma. Dal 2014 la deventa famosa in sul YouTube per el sò canal, indova che la fa di vlog, ossia di video-blog indova che la cunta su la soa vita, i sò problema, i sò maner de vestìss e inscì via. In del 2015 la publega ona intervista al scrittor Roberto Saviano.
In del 2016 la publega el sò primm liber, Succede, che poeu el deventa, in del 2018, on film. Semper in del 2018 la publega el sò segond romanz, Abbastanza, e l'è mittuu in di Top 100 di giovin italian.
In del 2019 la partecipa a la campagna di Medegh Senza Frontee cont on video in sul significaa de la parolla "nunch", insemma a l'Alessandro Tenace.
El 13 de marz 2019 la guida a la cerimonia al Palazz del Quirinal de nomina di Alifiee de la Republega, titol riservaa ai giovin italian che gh'han avuu di merit important, e a la fin la dialoga cont el President Sergio Mattarella.
Liber[Modifega | modifica 'l sorgent]
- Succede, 2016, ISBN 9788852073922
- Abbastanza, 2018, ISBN 9788804682554