Sistema tangenzial de Cremona
|
Quest articol chì l'è scrivud in lombard, con la Noeuva Ortografia Lombarda |
El sistema tangenzial de Cremona a l'è fad su de trè strade che gh'è e do in proget.
Strade che gh'è
[Modifega | modifica 'l sorgent]Tangenzial urbana
[Modifega | modifica 'l sorgent]
La tangenzial urbana a l'è stada fàda su in di agn '70 per devià el trafegh pesant de la cità, a l'è una strada urbana de scorriment con do corsie per sens de marcia e do carensgie, del tut inluminada. A l'è no ciamada ofizzialment tangenzial, e l'è domà indicada inscì in di indicazzion per rivàgh: i vie che la fann su a inn Via Eridano, Via Seminario, Via Nazario Sauro, Via Giovanni Battista Zaist e Viale Concordia. I cambi de nom corrisponden ai varie sortide.
Tangenzial est
[Modifega | modifica 'l sorgent]La Tangenzial Est, ciamada anca Tangenzialina di cremones, a l'è la segonda trata tangenzial fada su in del 2003 e ciamada in la toponomastega via Passolombardo.
Longa circa 5 km, la scomincia a Bòsch e la finiss al svincol con la SS10 e l'A21, la corr parallela a l'autostrada e la se interseca no con nissuna arteria diretament.
I prim 4 km, in tra el principi e 'l racord con la SP27, a inn de la provincia de Cremona, menter el darer chilometer a l'è de competenza di Autostrade Centropadane e gh'è i segnài de principi e fin autostrada.
Tangenzial nord
[Modifega | modifica 'l sorgent]
La tangenzial nord a l'è stada fada su domà parzialment, in d'un trat curt de 3 km ciamad "pedùncol". Inaugurad in del 2005, dopo de 'n poo de oposizzion di ent locai, e fornid in del 2007, a l'è classifegad 'me strada extraurbana principal con limit a 100 km/h e l'è ministrativament part de l'ex strada statal 234 Codognesa, adess gestida de la Provincia.
El rest de la trata, che incoeu l'è no nanca in proget, el gh'havaria de sostituì la tangenzial urbana in del roeul per el trafegh pesant cont una trata pussee esterna, che la conliga insema la Codognesa a la Padana de Sora, a passà per la strada de Paù, de la Soncinesa e de la Gardesana Ocidental.
Strade in proget
[Modifega | modifica 'l sorgent]
Riferiment
[Modifega | modifica 'l sorgent]- Tangenzial de Cremona - Provincia de Cremona