Sistèma global de rilevament de la posizion

Quest articol chì l'è scrivuu in lombard, grafia milanesa.

Satèllit GPS

Ricevidor GPS per uso civìl in mar

In di telecomunicazion el sistema globàl de rilevament de la posizion GPS (sigla in inglés de Global Positioning System, ch’a l’è a soa vòlta l'abbreviazion de NAVSTAR GPS, sigla de NAVigation Satellite Timing And Ranging Global Positioning System o de NAVigation Signal Timing And Ranging Global Position System) a l’è on sistema de rilevament de la posizion e navigazion satellitar statunitèns.

Per mèzz de ona red de satèllit artificiàj in òrbita, el ghe fornìss a on terminàl mòbil o ricevidor GPS di informazion di sò coordinad geografegh e sul sò orari in qualsessìa condizion del temp meteorològich, in depertùtt in su la Tèrra indoe ghe sia on contàtt con almanch quatter satèllit del sistèma che pòden vèss vedùu in del stèss temp. El rilevament de la posizion el succed per mèzz de la trasmission d’on un segnàl radio fada de ògni satèllit e l'elaborazion di segnaj ricevùu del ricevidor.

A l’è gestìi del govèrna di Stat Unii d'America e ‘l pòden dopràll tucc basta che gh’abìen on ricevidor GPS. El sò grad de cura al dì d’incoeu a l’è de l’oridin de pòch meter, second i condizion meteorològich, la disponibiltàa e la posizion di satèllit rispètt al ricevidor, i effètt de la radio-propagazion del segnal radio ind la ionosfera e la troposfera (es. rifrazion) e di effètt de la relatività.