Sindrome del Asperger
|
Quest articol chì l'è scrivud in lombard, con la Noeuva Ortografia Lombarda |
La sindrome del Asperger (despess breviada anch ’me SA) l’è un disturb pervasiv del desvilup, mitud in tra i disturb de l’ispeter autistegh. El comporta mia di ritard in de l’aquisizzion di capacità lenguisteghe ni disabilità inteletive, donca l’è per la pupart di studios considerada un disturb de l’ispeter autistegh «a volt fonzionament». Del 2013, cont l'introduzzion del DSM-5 e del 2022 cont cola del ICD-11, "Sindrome del Asperger" l’è pu doprad, e donca l’è denter di disturb de l’ispeter autistegh.
La locuzzion l’è stada per la prœuma vœulta doprada de la psichiatra britanega Lorna Wing in d'una rivista medega del 1981 in onor de l'Hans Asperger, psichiatra e pediatra austrìegh, che el sò lavorà l’è mia stad in tut e per tut recognossud fina i agn novanta.[1]