Silièrghe

De Wikipedia

Chest artícol a l'è scricc in Lumbàrt, ortograféa orientàl unificàda.



La céza

Silièrghe (nòm uficiàl en Italià: Ciliverghe) l'è 'na frasiù del cümü de Mazà, en pruvìncia de Brèsa. La g'ha 3422 abitàncc[1] (dàto uficiàl del dezèmber del 2012) e la se tróa a poch de piö de 2 km en diresiù sud de Mazà e a 11 km a sudèst de Brèsa.

El paés el s'è furmàt entùren a 'n culìna ciamàda amò 'ncö "Monte Coeli Aperti", nòm che 'l vé del fat che la se résa sö a "cél deèrt" de la brüghiéra e de le làme che gh'ìa töt entùren. Sö chèsta culìna s'è nat a furmàs el prim ensèma de abitasiù e sö divèrse cartìne dei sècoi XIV e XV gh'è segnàt apéna l'indicasiù de Monte Coeli Aperti.[2]

'Ntra i sècoi XV e XVI cumìncia le atività de bunìfica isé come 'n tacc óter teré de la zòna en chèl perìodo lé. Le tère le vé bunificàde dei abitàncc locài e con tat de acc nutarìi, le vé spartìde 'ntra de lur.

Silièrghe però la restàa amò sóta Virle e per ògna funsiù religiùza la zét la gh'ìa de fà 'n bèl toch de stràda per püdì nà 'n céza, isé entùren a la metà del sècol XVIII el paés el se destàca de Virle: endèl 1755 el deènta cümü autònomo e 'ndèl 1757 el deènta paròchia de per sò cönt. La località ciamàda Bètole la vé asegnàda a Silièrghe.[3]

Endèl 1929, endèl quàder de 'na riorganizasiù generàl de le istitusiù locài, Silièrghe la vé agregàda a Mazà.

Riferimèncc[Modifega | modifica 'l sorgent]

Wikimedia Commons
al gh'a dent roba culegada a:


  1. Statìstiche demogràfiche del Cümü de Mazà
  2. Sit de la Paròchia de Silièrghe Arqiviad qé: [1]
  3. Sit del cümü de Mazà - Stória de Silièrghe