Siete canciones populares espanolas

Quell articol qì l'è scrivud in Lombard, cond l'ortografia Scriver Lombard.

Siete canciones populares espanolas:

I Siete canciones populares españolas per vox e orqestra (1915), del Manuel de Falla, i inn dedicade a Madame Ida Godebska. A l'è el cante jondo, el cant “profond” andalus, a riemerjer con tuta la soa forza orijinaria, sostenuda dei movenze ritmege dei danze tradizionale spagnœle (Seguidilla, Jota, Polo) e rinvigoride de armonie e strumentazion moderne qe ne esalten el profil liber e irregolar. El De Falla – 'me al scriv el Cristiano Veroli - "al ciapa insì del passad una manera contedina faita de passion quotidiane semplici e direte: el crudel disprez per la fomna qe la jetta via la propes virtù 'me un prezios tessud moresc maqiad e svendud a minor prez (I. El paño moruno); la condanna de la maldicenza e de l’incostanza qe i renden l’om fals 'me una moneda consumata (II. Seguidilla Murciana); la natura qe la consola qi a l'è oppress del dolor (III. Asturiana); l’amor matern serrad ind la dolçeza de una ninnananna (V. Nana); i divers aspets de l’eros: esperienza privada de sotrar a'l sguard indiscred de amix e parents (IV. Jota), tradiment e perdita (VI. Canción), ingann e maledizion (VII. Polo)."