Shadow stack
|
Quest articol chì l'è scrivud in lombard, con la Noeuva Ortografia Lombarda |
El shadow stack (che 'l voeul dì stack ombria) a l'è, in sigurezza informatega, un sistema pensad per la protezzion de l'adressa de retorn inscì de sbassà la possibilità che 'l fonziona un atach del tipo stack overflow.
El fonziona a travers de una memoria ombria: al prolegh de la fonzion, quand che l'è ciamada, l'adressa che la gh'ha de tornà l'è salvada sia in del stack regolar che in quell ombria, a l'epilegh, quand che la ciama per tornà al programa central, i do adresse inn comparade: se inn diferente se pensa che gh'è un atach e 'l programa l'è fermad, o comunque l'è tirada foeura 'n ecezzion.
Al dì d'incoeu a l'è de solit otegnud a travers de l'hardware, ma l'è possibel fàll anca a travers del codes o cont una recompilazzion dinamega.