Servizi ferroviari metropolitan de Bari

De Wikipedia
Lumbard ucidental Quest articol chì l'è scrivuu in lombard, grafia milanesa.

El Servizi ferroviari metropolitan de Bari a l'è faa de trè lign: Dò gestii di Ferrotramviaria e vuna de Trenitalia. A l'è in costruzion 'n altra linia gestida di Ferrovie Appulo Lucane.

Ferrotramviaria[Modifega | modifica 'l sorgent]

El servizzi

El servizzi metropolitan de Ferrotramviaria a l'è attiv dal 2008 e 'l conliga la città al quarter San Paolo e a Bitonto passand per l'Aeroport. I dò lign a hinn segnalaa in di orari cont la sigla FM.

I rotabij doperaa a hinn ETR.340 e di ETL 200.

Lign[Modifega | modifica 'l sorgent]

Linia FM1[Modifega | modifica 'l sorgent]

Ferrovia metropolitana de Bari - FM1
 Bari Centrala
 Quintino Sella
 Brigata Bari
 Francesco Crispi
 Fesca-San Girolamo
 Tesoro
 Cittadella
 San Gabriele
 Ospedale
 Cecilia
 Regioni

La linia 1 la part de la stazion centrala de la FT e la va in su la ferrovia Bari-Barletta, a binari unich, finna a la stazion de Fesca-San Girolamo, indova el scomincia on tratt a binari doppi in viadott. La linia la va in pian a la stazion de Tesoro per deventà sotterranea finna al capoligna de Cecilia.

La linia, longa 9,286 km, la preved on treno ogni 40 menut e l'è faa cont i ETL 200, di Alstom Coradia, boni de servì i banchin volt di stazion noeuv.

Linia FM2[Modifega | modifica 'l sorgent]

Ferrovia metropolitana de Bari - FM2
 Bari Centrala
 Quintino Sella
 Brigata Bari
 Francesco Crispi
 Europa
 Aeroporto
 Bitonto Santi Medici
Capolinea FNB  Bitonto

La linia 2 la conliga la stazion centrala a Bitonto cont ona tratta de 7,7 km che la tocca anca l'Aeroport e 'l noeuv quarter Europa. I cors FM2 a hinn 7 al dì ma rinforzaa de la FR2, ona linia regionala cont el midemm percors e che la riva a Barletta. A l'è servida sia di Coradia ETL 200 che di Stadler FLIRT che permetteran de conligà la linia a la red RFI regionala.

Cronologia[Modifega | modifica 'l sorgent]

  • 1999: El Comun de Bari l'approeuva on pian de reordin ferroviari
  • 24 de giugn 2008: A l'è vert el servizzi
  • magg 2009: Scomincia la costruzion di 7 kilometer de ligna che conlighen Bari al sò Aeroport
  • 2013: Finiss el lavorà e l'è giontaa el servizzi.
  • 2017: Derva el capolinia Cecilia de la FM1

Trenitalia[Modifega | modifica 'l sorgent]

SFM Trenitalia de Bari
 Molfetta
 Giovinazzo
 Bari Santo Spirito limit tariffa urbana
 Bari Palese Macchie
 Bari Zona Industriale
 Bari Centrala
 Marconi
 Bari Parco Sud
 Bari Torre Quetta
 Bari Torre a Mare limit tariffa urbana
 Mola di Bari
El servizzi

El servizzi metropolitan de Trenitalia a l'è attiv dal 1991 e l'è faa in su la ferrovia Adriatica. El servizzi, originariament faa cont i automotris FS ALn 668, el gh'ha avuu success e hinn staa vért di noeuv stazion per gestìll e modifegaa di àlter. La linia a l'è stada poeu elettrificada in part.

Incoeu a l'è faa cont di Minuetto e di composizion cont la locomotiva FS E.464.

L'orari a l'è minga cadenzaa e i treni passen circa ogni mezz'ora, in sui orari a hinn segnalaa 'me M85, ma hinn no di treni metropolitan. In tra la tratta S.Spirito e Torre a Mare gh'è ona tariffa urbana speziala.

Cronologia[Modifega | modifica 'l sorgent]

  • 1991: L'è attivaa el servizzi
  • 31 de magg 1992: Hinn giontaa i stazion de Marconi, Magna Grecia e Liside
  • 10 de ottober 1993: L'è elettrificada la tratta Bari Parco Sud e Mola di Bari, e mittuu el binari doppi in tra Bari Torre a Mare e Mola di Bari
  • Fin del 1993: A l'è giontada la fermada de Enziteto Catino
  • 14 de dicember 2004: Bari Parco Sud a l'è fada per i passegee e hinn saraa Liside e Magna Grecia
  • 2009: El servizzi a l'è estenduu a Giovinazzo e Molfetta. In contemporanea a l'è soppressa la fermada de Enziteto Catino
  • 2 de ottober 2016: L'è attivada la stazion de Bari Torre Quetta

Progett[Modifega | modifica 'l sorgent]

A l'è in costruzion di agn '90 la ferrovia Bari-Bitritto, che la sarà doperada per on servizzi metropolitan de le Ferrovie Appulo Lucane.

Bibliografia[Modifega | modifica 'l sorgent]

  • Massimiliano Cantoni, Il servizio metropolitano FS a Bari, in Ferrovie, anno IV, nº 15, novembre 1993, pp. 213-217.
  • Emilio Ganzerla, Nuovo collegamento ferroviario tra Bari Centrale e l'aeroporto "Karol Wojtyla", in Mondo Ferroviario, n. 313, ottobre 2013, pp. 18–23.