Segunda Tessalunices Capitel Düü

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


Prima Tessalunices[<small>Mudifega</small> | mudìfica 'l sorgènt]

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Düü[<small>Mudifega</small> | mudìfica 'l sorgènt]

1E ve dumandum, fradèj, sü la vegnüda del noster Signúr Gesü Crist e 'l noster vegnì insèma[1] cun lü 2perchè vialter siuv minga scurlii sveltamént de la mént né stremii, né de spirit, né de parola, né de letera cumè se ricevüü de nümm cumè che 'l dì del Signúr l'è a man; 3nigün v'imbrujarìa in de quajdöna manéra! Perchè se no l'apustasia la vegna prima e 'l sia faa vedüü l'omm sénza lég[2], el fiöö de destrüziún[3], 4che 'l uponn e 'l se leva sü sura ogni cosa ciamaa diu o roba d'aduraziún, fin a setàss giò in del témpi de Diu, e 'l se mussa cumè se l'è Diu. 5Ve regurdii no che quand seri ancamò cun vialter huu dii chèstcoss a vialter? 6E adèss savii chèll che 'l ghe ten dedree fin che 'l sia faa vedüü al sò témp. 7Già che 'l misteri del vèss sénza lég l'è già a l'opera: dumà lü che 'l ghe tegn dedree adèss el farà inscì fin che l'è föra del mèzz. 8E quand lü sénza lég el sarà faa vedüü, el qual el Signúr Gesü 'l ciaparà via cunt el boff de la sua buca e 'l farà a nagott el cumparì de la sua vegnüda, 9del qual l'è la vegnüda per l'aziún de Satana, in d'ogni puténza e i sègn e i miracuj fals 10e in d'ogni imbröj de l'ingiüstizia a quij che hinn dree a vèss destrütt, inscambi del qual hann ricevüü minga 'l bén de la veritaa che 'l j'avarìa salvà. 11E per chèst Diu 'l i manda un'aziún d'erúr perchè lur creden la büsia, 12perchè sien cundanaa tücc che creden no in de la veritaa ma hann ciapaa piasè de l'ingiüstizia.
13Ma nümm gh'èmm de dà grazi a Diu semper per vialter, fradèj predilètt de Diu, Diu 'l v'ha scernii del prenzipi per la salvéza in de la santifegaziún del Spirit e la féd de la veritaa, 14per chèst el v'ha ciamaa per mèzz del noster vangel, per l'utegnì de la gloria del noster Signúr Gesü Crist. 15Dunca, fradèj, tegniiv sald e tegnii a i insegnamént[4] che vialter sii staa insegnaa sia per parola o per la nostra lettera. 16E 'l noster Signúr medemm, Gesü Crist, e Diu 'l noster Pader che 'l me vör bén e l'ha daa una cunsulaziún eterna e una bona speranza per grazia, 17cunsularìen i voster cör e ve fissarìen in d'ogni bona opera e parola.

  1. o riünì
  2. o de pecaa
  3. o perdiziún
  4. o tradiziún

Navigaziun[<small>Mudifega</small> | mudìfica 'l sorgènt]