Segunda Peder Capitel Vün

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


Segunda Peder[Modifega | mudìfica 'l sorgènt]

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

← 1 Peder 52 Peder 12 Peder 2 →

Capitel Vün[Modifega | mudìfica 'l sorgènt]

1Simun Peder, un sèrv e apostul de Gesü Crist, a quij che hann utegnüü a sort cun nümm la féd istèssa preziusa in de la giüstizia del noster Diu e Salvadúr Gesü Crist. 2Che cressen föra de misüra per vialter grazia e pas in de la cugnussénza de Diu e de Gesü el noster Signúr. 3Cumè tücc che vann a la vida e a la pietaa hinn staa daa a nümm de la sua puténza divina, travèrs la cugnussénza[1] de Lü che l'ha ciamaa a nümm per gloria e virtü, 4travèrs i quaj i prumèss preziús e püssee grand hinn staa daa, perchè travèrs chèst divegnii i cumpagn[2] de la natüra divina, avènd scapaa de la currüziún che l'è in del mund in del desidéri. 5E per chèsta resún, avènd impegnaa ogni diligénza, furnee a la vostra féd la virtü, e a la virtü la cugnussénza, 6e a la cugnussénza la temperanza, e a la temperanza la perseveranza, e a la perseveranza la pietaa, e a la pietaa el bén de fradèll, e al bén de fradèll el bén. 8Già che chèst coss in de vialter, che gh'hinn e cressen, se meten no inütil né senza frütt a la cugnussénza del noster Signúr Gesü Crist. 9Già che lü a qual gh'hinn minga chèst coss l'è orb, tubìs, avènd desmentegaa la pürifegaziún di so pecaa antigh. 10Dunca, fradèj, che siuv vialter püssee diligént de fà segür el voster ciamaa e la vostra eleziún; già che se fii chèst coss, scapüsciarii mai. 11Già che inscì la sarà furnida bundantamént l'entrada al regn etèrn del noster Signúr e Salvadúr Gesü Crist.
12Dunca, mì sun dree a regurdàv semper de chèst coss, anca bén i sapiuv e siuv stabilii in de la veritaa che l'è presént. 13E mì cunsideri giüst, intanta che a sun in de chèsta ténda[3], de dessedàv cunt un regord, 14già che a suu che 'l tö via de la mia ténda l'è prèst, cumè anca 'l noster Signúr Gesü Crist el m'ha faa vedè, 15e anca cercaruu diligentamént che despö de la mia surtida vialter poduv[4] regurdàv de chèst coss.
16Già che no travèrs el seguì adree di fàul inventaa èmm faa cugnusüü a vialter la puténza e la vegnüda del noster Signúr Gesü Crist, ma sèmm devegnüü testimon d'ögg de la sua grandéza. 17Già che quand l'ha ricevüü unúr e gloria, e una tal vús l'era purtaa a lü de la gloria magnìfega: «Chèst l'è 'l mè fiöö predilètt, in de lü huu truaa sudisfaziún»[5], 18e nümm èmm sentii chèsta vús che l'era purtaa del cél, intanta che serum cun lü sü la santa muntagna. 19E gh'èmm la parola prufetega e püssee següra, a la qual fii bén a vardà[6], cumè una lampeda che la splend in d'un lögh scür, fin chè 'l dì 'l faga ciar e la stèla de la matina la se leva in di voster cör, 20savend chèst prima, che ogni prufezia de la Scritüra la süced no de la propia interpretaziún de nigün, 21già che una prufezia l'è mai staa purtaa de la vuluntà d'un vèss üman, ma i vèss üman hann parlaa de Diu intanta che seren purtaa del Spirit Sant.

  1. It. conoscenza, anca in 5, 6, 8
  2. o soci
  3. l'è de dì, in de chèst corp, anca in 14
  4. o abiuv a
  5. Matee 17,5
  6. o fà atenziún

Navigaziun[Modifega | mudìfica 'l sorgènt]