Segunda Curinz Capitel Trii

Quel articul chì l'è scrivüü in Lumbard, cun l'urtugrafia insübrica ünificada.

Segunda Curinz

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Trii

¹Cumenzum de növ a recumandàmm? O gh'èmm besogn de quij leter de recumandaziún per vialter o de vialter? ²Vialter sii la nostra letera, scrita in di noster cör. Cugnussüda e lèta di tant personn, ³faa vedüü che sii la letera de Crist servida de nümm, scrita no cunt incoster ma cunt el Spirit de Diu vivént, no sü taulètt de prèia ma sü i taulètt de cör de la carna.
⁴E gh'èmm una tal cunfidénza per mèzz de Crist vèrs Diu. ⁵No che sèmm dègn per via de nümm medemm de cunsiderà quajcossa cumè de nümm medemm, ma la nostra degnitaa l'è de Diu, ⁶che anca 'l m'ha faa dègn minister d'un növ acordi, no d'un leter ma del Spirit; già che la letera la maza, ma 'l Spirit el fa viv.
⁷E se 'l ministeri de Diu in de leter intajaa in de prèj l'è vegnüü in de la gloria, perchè i fiöö d'Israel poden minga vardà la fàcia de Musè per via de la gloria de la sua fàcia che l'è traa a munt, ⁸cumè no pü in de la gloria el sarà 'l ministeri del Spirit? ⁹Già che se 'l ministeri de la cundana l'è gloria, pü assee l'è tant in de gloria el ministeri de la giüstizia. ¹⁰Già che chèll che l'è staa daa gloria l'è minga daa inscì in de chèsta part, per via de la gloria che la vanza sü. ¹¹Già che se chèll che l'è traa a munt l'è inscì per mèzz de gloria, pü assee chèll che 'l resta in de gloria.
¹²Dunca, già che gh'èmm una tal speranza, üsum una granda franchéza, ¹³e no cumè Musè l'ha metüü una quataja sü la sua fàcia perchè i fiöö d'Israel ghe vardassen a la fin de chèll che l'è traa a munt. ¹⁴Ma i lur mént eren faa dür. Già che fin a chèst dì la medema quataja la resta sül lég del vègg acordi, no desquatada perchè l'è trada a munt in de Crist; ¹⁵ma fin a incöö qualsessìa völta che 'l sia lètt Musè, una quataja la resta sül lur cör; ¹⁶ma qualsessìa völta che 'l gira al Signúr, la quataja l'è töda via. ¹⁷E 'l Signúr l'è Spirit; e due 'l gh'è 'l Spirit del Signur, la gh'è libertaa. ¹⁸E nümm tücc, quand vardum in d'un spègg cun fàcia desquatada la gloria del Signúr, sèmm trasfurmaa in del medemm santìn de gloria a gloria, cumè del Spirit del Signúr.

Navigaziun

• ← Indree a Capitel Düü
• Inanz a Capitel Quater →
• A l'indes