Scoeula Svizzera de Milan
La Scoeula Svizzera de Milan (Schweizer Schule Mailand in todesch, École suisse de Milan in franzes, Scuola Svizzera di Milano in italian, Scola Svizra Milaun in romancc) a l'è 'na scoeula privada svizzera de la città de Milan.
Stòria[Modifega | modifica 'l sorgent]
L'è fondada in del 1861 comè Scoeula Internazional di Famili Protestant, con l'obietiv de insegnàggh ai fioeu di famili de lengua todesca che voreven minga andà dent in del sistema italian, ereditaa de l'Austria e de impronta catòlega. Finna a la prima guerra mondial a l'éra frequentada soratutt di student svizzer e Todesch del Reich.
In del 1919, quand che la scoeula la va in difficoltà perché 'n mugg de todesch hinn borlaa in difficoltà e tornaa in Patria, a l'è recognossuda del governo svizzer 'me scoeula svizzera. In del temp el todesch el perd el sò roeul guida e l'è fiancaa a l'italian, tant che al dì d'incoeu la pupart di student la parla italian.
Gestion[Modifega | modifica 'l sorgent]
La scoeula la offriss tucc i nivej de istruzion de l'asil al licee, la gh'ha 40 docent, 151 student svizzer e 224 forestee. Oltra al todesch e a l'italian, che hinn i lengov veicolar, hinn doperaa l'ingles, el franzes, el latin (in terza media) e 'me lengov opzionai spagnoeu e grecch antich. L'è sussidiada, per i student svizzer, del governa confederal e la seguiss i pian de istruzion del Tesin e del Grison, oltra ai lign guida del Ministeri de l'istruzion italian, degià che l'è anca possibel diplomàss a l'italiana.
Alter progett[Modifega | modifica 'l sorgent]
Wikimedia Commons el gh'ha dent imagin o alter archivi su Scoeula Svizzera de Milan
