Rumàn Capitel Cinch

Quel articul chì l'è scrivüü in Lumbard, cun l'urtugrafia insübrica ünificada.

Rumàn

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Cinch

¹Dunca, perchè sèmm staa faa giüst de féd, gh'èmm pas cun Diu per mèzz del noster Signúr Gesü Crist, ²per mèzz del qual gh'èmm andit per féd a chèsta grazia in de la qual sèmm staa sald e me vantum de la speranza de la gloria de Diu. ³E no dumà chèst, ma anca me vantum de afliziún, perchè savèmm che l'afliziún la prudüss la perseveranza, ⁴e la perseveranza la prudüss el carater, e 'l carater el prudüss la speranza. ⁵E la speranza la da minga vergogna, perché 'l bén de Diu l'è staa spantegaa föra in di noster cör per mèzz del Spirit Sant che 'l m'è staa daa.
⁶Già che se 'l Crist, intanta che sèmm staa ancamò dèbuj, l'è mort al témp per i impi. ⁷Già che cun dificultaa quajdün el murarà per un giüst; già che forsi per una bona persona quajdün el vulza murì; ⁸ma Diu el me fa vedè 'l sò propi bén, che quand nümm serum ancamò pecadúr, Crist l'è staa mort per nümm. ⁹Dunca, tant püssee adèss, despö che sèmm staa faa giüst in del sò sangh, sarèmm salvaa per mèzz de lü de l'ira. ¹⁰Già che se quand serum nemìs, sèmm staa recunciliaa a Diu per mèzz de la mort de sò fiöö, tant püssee, despö che sèmm staa recunciliaa, sarèmm salvaa in de la sua vita; ¹¹e no dumà chèst, ma anca me vantum de Diu per mèzz del noster Signúr Gesü, per mèzz del qual adèss èmm ricevüü la recunciliaziún.
¹²Per chèst, propi cuma per mèzz de vün vèss üman el pecaa l'è vegnüü denter al mund e la mort per mèzz del pecaa, anca inscì Diu l'è vegnüü travèrs a tücc i vèss üman, per via del qual tücc hann pecaa; ¹³già che fin a la lég, el pecaa el gh'era in del mund, ma 'l pecaa l'è minga cuntaa quand la gh'è minga lég, ¹⁴ma la mort l'ha regnaa de l'Adam fin al Musè anca sü quij che hann minga pecaa in de la sumejanza de la trasgressiún de l'Adam, che l'è un esempi de lü che l'era dree a vegnì.
¹⁵Ma el regall l'è no cumpagn de la trasgressiún: già che se tant hinn mort per via de la trasgressiún de vün, tant püssee la grazia de Diu e 'l regall per la grazia de vün vèss üman, Gesü Crist, hinn staa püssee che 'l basta vèrs i tant vèss üman. ¹⁶E 'l regall l'è no cuma per mèzz de vün che l'ha pecaa: già che menter el giüdizi l'è de vün a la cundana, el regall l'è de tant trasgressiún a la giüstifegaziún. ¹⁷Già che se per via de la trasgressiún del vün la mort l'ha regnaa per mèzz del vün, tant püssee quij che riceven la bundanza de la grazia e del regall de la giüstizia in de la vita regnarànn per mèzz del vün, Gesü Crist!
¹⁸Dunca, cuma per mèzz de vöna trasgressiún tücc i vèss üman hinn suta cundana , inscì anca per mèzz de vün att de giüstizia tücc i vèss üman hinn suta giüstifegaziún de vida: ¹⁹già che propi cuma per mèzz de la desübediénza de vün vèss üman i tant vèss üman hinn faa devegnüü pecadúr, inscì anca per mèzz de l'übediénza de vün i tant sarànn faa devegnüü giüst. ²⁰E la lég l'è vegnüü denter de scundüü, perchè la trasgressiún la bundass; e due 'l pecaa l'ha bundaa, la grazia l'ha bundaa püssee, ²¹perchè propi cuma 'l pecaa l'ha regnaa in de la mort, inscì anca la grazia la regnass per mèzz de la giüstizia a vita etèrna per mèzz del Gesü Crist, el noster Signúr.

Navigaziun

• ← Indree a Capitel Quater
• Inanz a Capitel Ses →
• A l'indes