Romagna mia

Quest articol chì l'è scrivud in lombard, con la Noeuva Ortografia Lombarda

Romagna mia a l'è una canzon scrivuda del Secondo Casadei in del 1954 in del stil del liscio, che la cunta su la storia de 'n om che 'l gh'ha havud de lassà la soa terra, la Romagna, e che 'l gh'ha propi tanta de nostalgia per lee. A l'è deventad una sorta de inn romagnoeul e l'ha vendud pussee de quater milion de cobie, cont anca un frach de re-edizzion e cover.

A l'era vuna di canzon che ghe piaseva pussee al Papa Giovann Paol II e varie cità de la Romagna gh'hann dedicad di vie o di piazze.

Bibliografia

• Gianfranco Miro Gori, Romagna Mia - Passato e presente di una canzone tra la provincia e il mondo - Minerva Edizioni 2004.