Relazion de equivalenza
Se dis che ona relazion a l'è 'na relazion de equivalenza se l'è al contemp riflessiva, simmetrica e transitiva.
On esempi el pò vess, daa i abitant de Milan, "el abita in del midemm rion": L'è riflessiva, degià che 'na personna la viv in del midemm quarter de lee midemma, simmetrica, degià che se el Peder el viv in del midemm quarter de l'Alberigh anca l'Alberigh el viv in del midemm quarter del Peder e transitiva, degià che se la Luisa la viv in del midemm quarter del Bias e 'l Bias el viv in del midemm quarter de la Delaida la Luisa la viv in del midemm quarter de la Delaida.
L'insemma de tucc i quarter de Milan el saria l'insemma quozient de 'sto insemma.