Red di tram de Neuchâtel
La red di tram de Neuchâtel a l'è 'na red di tram che la conliga Neuchâtel a Boudry. Originariament pussee spantegada, tucc i lign a hinn staa convertii in d'on sistema de filovij foeura de la linia 5, tram interurban.
La dopera el scartament metrich e l'è alimentada a 630 V cont cadenaria.
Storia[Modifega | modifica 'l sorgent]
La Red a l'è verta in del 1892 e elettrificada in del 1902. In del 1976 a l'è soppress el servizzi urban, e la resta in pee domà la linia 5.
Material rotabil[Modifega | modifica 'l sorgent]
I tram composit de incoeu deriven di Tram 2000, e hinn domà a pianal realzaa. I carrozz a hinn spartii in controll, motor e carrozza semplis.
Flotta antiga[Modifega | modifica 'l sorgent]
I tram urban han sempre avuu 'na flotta differenta de quella extraurbana doperada incoeu.
Eren doperaa sia di tram standard svizzer, doperaa in la pupart di città svizzer cont el tram, e di vegg tram crompaa de Genoa, cont la dismission de la soa red di tram.