ravynOS
|
Quest articol chì l'è scrivud in lombard, con la Noeuva Ortografia Lombarda |
ravynOS (in precedenza AiryxOS) a l'è un sistema operativ fondad in su FreeBSD che 'l gh'ha 'me obietiv la compatibilità binaria con macOS, grazzia a 'n implementazzion libera de Objective-C e Cocoa.
Storia[Modifega | modifica 'l sorgent]
La prima version a l'è sortida a masg 2021, fondada in su helloSystem, una distro FreeBSD che la gh'ha 'me obietiv el vesser vesina ai vegg Mac, ma senza compatibilità binaria, e in su FuryBSD.
A november 2021 la vegn foeura la version 0.3.0, che l'è la prima beta, con dent Firefox, el Terminal e Kate, e anca un installer scrivud in Objective-C. El sistema, però, el gh'ha no un dock, el gh'ha 'na configurazzion de red un poo grama e con poche app che fonzionen.
El doperava in principi, per la grafega, KDE con X11, ma poeu in del 2022 i programador scernissen de cambià strada e de tacà a scriver 'na noeuva interfaccia grafega.
Scerne tecneghe[Modifega | modifica 'l sorgent]
I programador hann scernud de doperà FreeBSD inveci che Darwin per via del bon suport hardware, e doperen di librarie de GNUstep, implementazzion libera di librerie NeXTstep.