Puttost che toeu 'na donna
Puttost che toeu 'na donna l'è ona canzon tradizzional milanesa.
La gh'ha i stroff in lombard e 'l ritornell in italian. La musega l'è ben cognossuda in tutt el Nord Italia, perchè l'è quella de tanti olter canzon tradizzionai spantegaa in di vari region.
La canzon, che despess la vegneva missa dent ai "minestron" e ai "risott" de ostaria (cioè a quell misturon de canzon popolar ligada vuna a l'oltra in di cantad a l'ostaria) la cunta su in manera alegra e spiritosa d'on omm che 'l se refuda de toeu miee, e ghe preferiss tanti olter robb.
El test
[Modifega | modifica 'l sorgent]Puttost che toeu 'na donna,
mì toeuvi 'na cavretta:
ghe foo mangià l'erbetta,
ghe foo mangià l'erbetta.
Puttost che toeu 'na donna,
mì toeuvi 'na cavretta,
ghe foo mangià l'erbetta,
ma mì la donna la toeuvi nò!
Viva l'amore, l'amore,
l'amor che vien, che va,
viva l'amore, l'amore,
l'amor che vien che va!
Viva l'amore che viene e che va:
evviva l'amore, ma chi lo sa far?
Puttost che toeu 'na donna,
mì toeuvi 'na gilera,
voo a spass matina e sera.
Rit.: Viva l'amore...
Puttost che toeu 'na donna,
mì toeuvi 'na Ses'cent:
voo in gir, ma tutt content.
Rit: Viva l'amore...