Problema di du generai

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

El problema di dò generai a l'è 'n problema informategh, el primm a vess staa dimostraa 'me impossibel de risòlv.

El problema[Modifega | mudìfica 'l sorgènt]

Ghe sien dò armaa ai lat de 'n castell desenemis de ciappà. Domà 'n attacch coordenaa el pò vess bon de vengg. In du generai pòden comunicà domà in su 'na strada ch'a l'è controllada di desenemis.

Se 'l primm general el manda 'n messagg per concordà l'attacch e 'l messaggee el fuss ciappaa l'attaccaria deperluu, e 'l perdaria. El segond general el ricev el messagg e per confermà el manda on sò messaggee, ma se 'l fuss ciappaa l'attaccaria domà la segonda armada, e la perdaria. Donca, el primm general el manda on messaggee per dì che l'ha ricevuu el messagg, ma se 'l fuss ciappaa domà la prima armada l'attaccaria, e la perdaria. El segond general el gh'avarìa de mandà on sò messaggee per confermà, ma se 'l fuss ciappaa attaccaria domà lu e 'l perdaria e inscì via.

Per quèlla reson lì, ciovè l'impossibilità de savè de manera deterministega se 'l messagg a l'è staa ricevuu, a l'è demostraa impossibil de risòlv.

Implicazion[Modifega | mudìfica 'l sorgènt]

A l'è donca impossibel avè la certezza totala del success de 'na comunicazion cont el midemm mezz de comunicazion. Però, a l'è possibel mitigà i conseguenz de 'n eventual error: Per esempi, in quej comunicazion ch'a l'è ciar e patent che gh'abien de vess ciamaa domà 'na voeulta (per esempi "crompa quèlla roba lì" o "scancella el file pussee vegg") a l'è mittuda 'na ciav de idempotenza che la identifega de manera univoca 'n azion e, se ciamaa an'mò el metod cont la midemma ciav a l'è mandada domà la conferma de l'azion passada, senza fàlla an'mò.

Riferiment[Modifega | mudìfica 'l sorgènt]

Vos corelaa[Modifega | mudìfica 'l sorgènt]