Principaa de Pavia
| Principaa de Pavia | |
|---|---|
|
|
| Stema | Bandera |
| |
| Citaa principal: Pavia | |
El Principaa de Pavia a l'è stada 'n istorega ripartizion del Ducaa de Milan antesignana de la provincia de Pavia d'incoeu.
Storia[Modifega | modifica 'l sorgent]
In del 1499 el territori de la Contea de Pavia, passaa insemmaa a Milan ai Sforza, l'è staa elevaa de l'Imperator al rangh de Principaa, e donca l'era el segond territori pussee important di domini milanes, degià che per el dirizz germanich el Ducaa a l'è pussee in alt del Principaa.
In del 1564 el governa spagnoeu, per provà a modifegà in sens pussee egualitari la fiscalità, el fa su 'na Congregazion generala, 'na sorta de Parlament, e di congregazion locai, elegiuu di reppresentant di comun.
In del 1700 el territori el scomincia a desmembràss e l'è in part ceduu al Piemont: In del 1706 a l'è ceduda la Lomellina e in del 1743 el Vigevanasch e l'Oltrepò Paves.
In del 1786 a l'è offizialment sostituii de la Provincia.
Division[Modifega | modifica 'l sorgent]
Del 1565 a l'è stada dividuda in quatter congregazion: Lomellina, Oltrepò, Volta Campagna e Bassa Campagna. 'Sti congregazion gh'even on consili e eren elegiuu di reppresentant di comun e eren guidaa di sindegh. Quell de l'Oltrepò, grazia a la posizion isolada, el gh'eva pussee de poder.
I comun eren assee autonom: Gh'even 'n autonomia in la gestion de la polizia locala, in la soa ministrazion e votaven on tesoree, on mess e 'n consili. Anca i capi di comun eren ciamaa sindegh, e in quej pussee gròss el gh'era on podestà nomenaa di autorità centrai. A mità del '700 gh'eren 146 comun, inclus i cassin, formalment incorporaa in di comun arent ma, a bon cunt, autonom a nivell ministativ e fiscal.
