Primula daonensis
| Primula daonensis | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Classifigazion sientífiga | ||||||||||||||||||||
| ||||||||||||||||||||
| Nomm binomial | ||||||||||||||||||||
| Primula daonensis (LEYB.) LEYB. |
Primula daonensis (LEYB.) LEYB. l'è 'na spéce de piànta erbùza de dimensiù pesène che fa part de la famìa botànica de le Primulaceae.
Descrisiù[Modifega | modifica 'l sorgent]
Piànta che rìa mìa ai 10 ghèi, fòie lanceolàde, atenuàde denàcc e con dei décc. Pelüria de 0.15÷0.3 mm con dele ghiandulìne aràncio/róse. Gambì de 2÷5 mm, che và dei 1/30 ai 1/7 de la longhèsa del gamp. I lòbi del càles i è ovài, otùzi. La coròla l'è de culùr ròza viòla co la part centràl biànca. I fröcc i è grancc compàgn del càles o de piö. La fiorés entra zögn e löi.
La pol véser scunfundìda co la Primula hirsuta ALL. ma chèsta la g'ha i lòbi del càles acùti, i pedezèi che rìa a almeno 1/7 de la longhèsa del gamp e i fröcc che rìa a 2/3 ÷ 4/5 de la longhèsa del càles.
Distribusiù[Modifega | modifica 'l sorgent]
Endemìsmo retich-alpì, l'areàl l'è bastànsa pesèn: póche stasiù 'ndèla val del Inn, en Austria, en Alta Valtelìna, endèl Masìcio de l'Ortles e de l'Adamèl e 'ndèle regiù svìsere de cunfì. El nòm specìfich el fà riferumènt a la Val Daù, 'na àl del Trentì meridiunàl, arènt al cunfì co la Pruvincia de Bresa.
Anotasiù[Modifega | modifica 'l sorgent]
Chèsta emicriptòfita la fa part del grùpo de la Primula villosa WULFEN, che l'è de interès sistemàtich. Sö l'arch alpì se tróa divèrse spéci de chèsto grùpop, compagn de Primula cottia WIDMER, Primula villosa WULFEN en Carìnsia, en Stìria e 'n val Sesia, Primula grignensis D. M. MOSER, endémica de le Alpi lombàrde orientàle enfìna a la Grigna Meridiunàla. I ezemplar de P. daonensis che se càta endèla part setentriunàla del sò areàl le g'ha le fòie piö peluzète tat che 'n quach espèrcc i la colocàda endèla spéce Primula stelviana VULPIUS.
Sinònim[Modifega | modifica 'l sorgent]
Baziònim[Modifega | modifica 'l sorgent]
- Primula villosa var. daonensis Leyb.
Eterotìpich[Modifega | modifica 'l sorgent]
- Primula oenensis f. breviscapa Widmer
- Primula oenensis Thomas ex Schott
- Primula oenensis var. judicariae Widmer
- Primula stelviana Vulp.
- Primula villosa var oenensis Thomas ex Schott
 |
Wikispecies la g'ha dent de le informassiù sö l'argoment: Primula daonensis |
