Prima Timotee Capitel Vün
|
|
Quel articul chì l'è scrivüü in Lumbard, cun l'urtugrafia insübrica ünificada. |
Prima Timotee
[Modifega | modifica 'l sorgent]La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.
Capitel Vün
[Modifega | modifica 'l sorgent]1Paul, un apostul del Crist Gesü segund el cumandamént de Diu, el noster Salvadúr, e Crist Gesü, la nostra speranza, 2a Timotee, el bagaj sincér in de la féd: grazia, misericordia, pas de Diu Pader e Crist Gesü el noster Signúr.
3Cuma t'huu dumandaa a restà a Efes intanta che vuu in de la Macedonia, perchè te urdinet a quij d'insegnà no un'altra roba 4né dà atenziún a mit e genealugì sénza fin, che ufren vann discüssiún inscambi de la direziún[1] de Diu che l'è in de la féd. 5E la fin del cumandamént l'è bén d'un nètt[2] cör, d'una bona cusciènza e de la féd sénza ipucrisia, 6di quij quij hinn deviaa e giraa via al parlà svöj, 7vurend vèss insegnant de la lég, menter capen no né i coss che disen né sü i quij dann cunferma furtamént.
8Ma savèmm che la lég l'è bona, se quajdün el la duvra legalamént, 9se te see[3] chèst, che la lèg l'è stabilida no per el giüst, quij che hinn sénza lég e no sutamess, sénza Diu e pecadúr, impi e prufann, patricid e matricid, assassìtt, 10furnegadúr, umusessüaj, mercant di s'ciav[4], büsard, spergiür, e quajcoss'alter che s'è upost a insegnamént san, 11segund el vangel de la gloria de Diu beatt, cunt el qual mì sun staa fidaa.
12Gh'huu favúr per Crist Gesü 'l noster Signúr che 'l m'ha daa forza, perchè 'l m'ha cunsideraa fedél, despö che 'l m'ha metüü in del ministéri 13ancabén prima seri un biastemadúr, persegütadúr e pügnaladur, ma huu ricevüü misericordia, perchè, già che seri ignurant, i huu faa in d'infedeltaa; 14e la grazia del noster Signúr l'è stada tant granda cun féd e bén che l'è in del Crist Gesü. 15La parola l'è fedéla e dègna de tüta acetaziún, che 'l Crist Gesü l'è vegnüü in del mund per salvà pecadúr, di quij sun mì primm. 16Ma per chèst huu ricevüü misericordia, perchè 'l Crist Gesü el dimustra tüta la paziénza in de mì primm cuma un esempi de quij che credarànn in de lü a la vita etèrna. 17E al rè di sècuj, el sull Diu imurtal e invisibil, unúr e gloria in di sècuj di sècuj. Amén.
18Meti prima de tì chèst cumandamént, bagaj Timotee, segund i prufezì che menen la via per tì, perchè te cumbatet in de lur la bona lota 19menter te gh'hee féd e bona cusciènza, che quij, perchè i hann rüzaa via, hinn naufragaa sü la féd, 20di quij hinn Imenee e Alessander, che huu cunsegnaa a Satana, perchè sien istrüii a biastemà no.