Prima Curinz Capitel Quater

Quel articul chì l'è scrivüü in Lumbard, cun l'urtugrafia insübrica ünificada.

Prima Curinz

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Quater

¹Inscì una persona la gh'avarìa de cunsideràmm cuma servidúr del Crist e aministradúr di mistéri de Diu. ²Scià el rest l'è cercaa intra i aministradúr perchè quajdün l'avess staa truaa fedél. ³Ma a mì l'è una roba tant piscinina, che a sia giüdegaa de vialter o d'un tribünal üman; ma me giüdeghi gnanca mé medemm. ⁴Già che savi nagott cuntra mé medemm, ma sun minga staa faa giüst per chèst, ma lü che 'l me giüdega l'è 'l Signúr. ⁵Dunca, giüdeghee minga quajcossa prima del témp quand el ven el Signúr, che 'l da lüs a i robb scundüü del scür e 'l farà ciar i cunsili di cör; e alura el lod el vegnarà a ognidün de Diu.
⁶E chèstcoss, fradèj, huu aplicaa a mé medemm e Apoll per via de vialter, perchè in de nümm imparuv a andà no ultra i robb che hinn scritt, perchè ve siuv minga sgunfiaa vün sura vün cuntra l'alter. ⁷Già che chi 'l te fa divèrs? E che roba te gh'hee che t'hee minga ricevüü? E se anca te l'hee ricevüü, perchè te se vantet cuma te l'hee minga ricevüü? ⁸Sii già devegnüü sagull, sii già devegnüü sciúr, sénza de nümm avii regnaa; e magara che avessuv regnaa, perchè anca nümm regnum cun vialter. ⁹Già che a pensi, Diu 'l m'ha diciaraa i apostuj ültim cuma cundanaa a mort, perchè sèmm devegnüü un spetacul al mund e a i angiuj e a i vèss üman. ¹⁰Sèmm balord per via del Crist, ma vialter sii savi in del Crist; nümm sèmm dèbuj, ma vialter sii fort; vialter sii unuraa, ma nümm sèmm desunuraa. ¹¹Fin a chèsta ura, gh'èmm famm, gh'èmm sed, sèmm vestii maa, sèmm maltrataa, vugum ¹²e travajum laurand cunt i noster man, benedisum intanta che sèmm remenaa, perseverum intanta che sèmm persegütaa, ¹³incuragium intanta che sèmm sparluciaa; sèmm devegnüü cuma la rubascia del mund, l'imundizi de tücc fin a adèss.
¹⁴A scrivi minga chèstcoss per fàv vergugnús, ma per visàv cuma mè bagaj predilètt. ¹⁵Già che se gh'avarìuv desmila tutúr in del Crist, gh'avarìuv no tant pader; già che in del Crist Gesü per mèzz del vangel v'huu generaa.
¹⁶Dunca, ve dumandi che devegnuv i mè imitadúr. ¹⁷Per chèst, v'huu mandaa Timotee, che l'è mè fiöö predilètt e fedél in del Signúr, che 'l ve regurdarà di mè vi in del Crist Gesü, propi cuma insegni depertütt in d'ogni gésa. ¹⁸E quij hinn staa sgunfiaa cuma vegni no a vialter; ¹⁹ma vegnaruu a vialter prést se 'l Signúr el vör inscì, e cugnussaruu minga la parola de quij che hinn staa sgunfiaa, ma la puténza: ²⁰già che 'l règn de Diu l'è no in de parola, ma in de puténza: ²¹Che cossa vurii? Mì gh'avarìa de vegnì a vialter cunt una bachèta, o cun bén e un spirit de gentiléza?

Navigaziun

• ← Indree a Capitel Trii
• Inanz a Capitel Cinch →
• A l'indes