Prima Curinz Capitel Cinch

Quel articul chì l'è scrivüü in Lumbard, cun l'urtugrafia insübrica ünificada.

Prima Curinz

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Cinch

¹Cumpletamént, l'è sentii che la ghe sia intra vialter furnegaziún, e una tal furnegaziún che la gh'è no né intra i naziún, che quajdün el gh'ha la miee de sò pader! ²E vialter sii sgunfiaa, e avii minga pütost piangiüü, perchè 'l sia tiraa föra del mèzz de vialter lü che l'ha faa chèsta aziún? ³Già che menter mì, no là in del corp ma là in del spirit, l'huu già giüdegaa, lü che l'ha faa chèst inscì, cuma sun là, ⁴in del nomm del Signúr Gesü, vegnüü insèma, voster e 'l mè spirit, cun la puténza del noster Signúr Gesü, ⁵de cunsegnà 'l tal omm a Satana a rüìna del corp, perchè 'l spirit el sia salvaa in del dì del Signúr.
⁶El voster vant l'è no bun. Savii no che un puu de levaa el fa levà sü tütt el gnocul^[1]? ⁷Netee föra la vegia levaa, perchè siuv el növ gnocul, cuma sii sénza levaa. Già che anca la nostra pasqua, el Crist, l'è staa sacrifegaa; ⁸dunca, gh'èmm una fèsta, no cun levaa végg né cun levaa cativa e maligna, ma cun sinceritaa e veritaa sénza levaa.
⁹V'huu scritt in de la letera de mis'ciàv no insèma cun furnegadúr, ¹⁰no cumpletamént cunt i furnegadúr de chèst mund o cunt i avar e i lader o i iduladúr, degià che gh'avarìuv de andà föra sedenò de chèst mund. ¹¹Ma adèss v'huu scritt de mis'ciàv no insèma cun quajdün che l'è ciamaa fradèll el sia un furnegadúr, un avar, un iduladúr, un remenadúr, un ciuch o un lader--mangee no cunt una tal persona. ¹²Già che che cossa l'è a mì giüdegà quij de föra? Giüdeghii no vialter quij de denter? ¹³Ma Diu el giüdegarà quij de föra. Tiree föra 'l malign de vialter medemm!

↑ o tüta la pasta

Navigaziun

[1] tüta la pasta

[1]