President de la Cechia
| President de la Cechia Prezident České republiky | |
|---|---|
 | |
_(cropped).jpg) | |
| Stat | Cechia |
| Istituii | 2 de febrar 1993 |
| Predecessor | President de la Cecoslovacchia |
| Reform | febrar 2012 |
| President | Petr Pavel |
| Sed | Castell de Praga |
| Sit web | http://www.hrad.cz |
El president de la Cechia a l'è el capp de Stat de la Cechia e, anca se l'è 'na republega parlamentar, l'è elegiuu direttament del pòpol per cinch agn e 'l pò vèss rielegiuu consecutivament domà dò voeult. A differenza di Stat indova che 'l President el gh'ha on roeul domà cerimonial, in Cechia el compartiss on poo de poder cont el Primm Minister.
Poder[Modifega | modifica 'l sorgent]
El President cecch a l'è 'n autorità independenta e 'l sò poder pussee fort a l'è quell de mett el veto ai legg, foeura che per quej costituzionai, che 'l pò vess superaa del Parlament.
El nomina di member de la Cort Suprema, de la Cort Costituzional e de la Banca Nazionala Ceca. El pò desligà la Cambra di Deputaa se gh'è di condizion previst de la Costituzion.
El compartiss di poder in camp diplomatich e militar cont el Governo. L'è retegnuu comandant in capp di Forz Armaa Cecch e 'l gh'ha l'immunità. El pò vèss però rinviaa a giudizzi del Senad a la Cort Costituzional per volt tradiment, che la pò destituìll.
Elezion[Modifega | modifica 'l sorgent]
Dal 1956 el president a l'éra elegiuu del Parlament de la Cechia e la separazion l'ha cambiaa no i robb. Dal 1 de ottober 2012 el President a l'è elegiuu direttament di gent e se pòden candidaa tucc quej che hinn nominaa de 20 Deputaa, 10 Senator o 50'000 elettor.
Prima per vèss offizialment candidaa al Parlament boeugnava 'vegh el suppòrt de 10 Deputaa o Senator, e l'elezion a l'éra fada in massim tre turn:
- El primm cont la maggioranza assoluta di component in di dò camber
- El segond cont la maggioranza assoluta di votant in di dò camber
- El terz cont la maggioranza assoluta de tucc i parlamentar
Se a la terza nissun el vinceva se suttava cont el terz turn finna a 'n elezion.
Decadenza[Modifega | modifica 'l sorgent]
El President el pò perd el sò incarich se:
- El comunicà al President del Senad i sò dimission
- L'è rinviaa a giudizzi del Senad e condanaa de la Cort Costituzional
- L'è giudicaa inabil del Parlament e la Cort Costituzional la conferma el giudizzi
Simboi[Modifega | modifica 'l sorgent]
El President el gh'ha el sò Stendard, cont el Stemma e 'l Mott de Stat "Pravda vítězí" ("la verità la vincc") e 'na fanfara, tolta del Libuše del Bedřich Smetana.
Lista di president[Modifega | modifica 'l sorgent]
| Partii | Mandaa | |
|---|---|---|
 Václav Havel |
Independent (in principi Forum Civich) | 1993-2003 |
 Václav Klaus |
Partii Civich Democratich | 2003-2013 |
 Miloš Zeman |
Partii di Diritt Civij | 2013-2023 |
Petr Pavel |
Independent | 2023 |