Pontesella
La pontesella l'era on mangià tipegh de la cusina popolar valtolina, per esempi a Gros.
Rizetta
[Modifega | modifica 'l sorgent]A l'è ona polta con la farina bianca e negra e formai grass con buter. Se versa a pioeuva la farina bianca, giamò messedada cont on pizzigh de quella negra, in d'ona basla con scià l'aqua e on bris de saa. Se fa buì el tutt, e quand che la buiss, la se messeda senza mai fermass per fàlla minga grumà, fina a fà su ona polta morbesina, che la gh'ha de coeus per ona mezora. Despoeu de quest, la se tira via del foeugh e ghe se gionta del formai gross tajaa a tocchei. Intant se fa frisg del buter in su 'na padella e se 'l versa giò in su la pontesella. Eventualment se pò pociàlla dent in del vin.
Bibliografia
[Modifega | modifica 'l sorgent]- Remo Bracchi, Gabriele Antonioli, Max Pfister, Dizionario etimologico grosino, 1995.