Pont de la Vitoria (Verona)
|
Quest articol chì l'è scrivud in lombard, con la Noeuva Ortografia Lombarda |
.jpg)
El pont de la Vitoria (ponte de la Vitoria in veneto, ponte della Vittoria in italian) a l'è un pont de Verona in su l'Ades, fad su dopo de la prima guerra mondial per celebrà la vitoria de la bataja de Vittorio Veneto e inaugurad del 1929 e conligà la Cità Antiga cont el Borgh Trent che l'era dree a nasser al temp, inscì de slongà el cors Cavour.
Fad soltà per ari, 'me tucc i pont verones, di todisch che se retiraven del 1945, gh'era restada in pè un'arcada, che i Liad doperarann per meter su un pont provisori de ferr in d'un dì. Del 1953 a l'è vert el pont, recostruid, ma gh'era stad un pien perchè el sindegh Giovanni Uberti el voleva minga meter su i vegge statue di cavai che gh'era al principi perchè gh'haveven i cojon in vista, e pensava che havarien dad scandol, e infin el cambia ideja quand che di student menen in municipi un asen cont i mudande.
Bibliografia
[Modifega | modifica 'l sorgent]- Camilla Bertoni (a cura di), Eroi e antieroi. La scultura a Verona nell'epoca della Grande Guerra, Verona, Biblioteca Civica di Verona, 2017, ISBN 978-88-96-34219-0.
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Pont de la Vitoria (Verona)
