Pont Noeuv (Mitrovica)

Quest articol chì l'è scrivud in lombard, con la Noeuva Ortografia Lombarda

I Carabiner denanz del pont

El Pont Noeuv a l'è un pont de azzal che 'l passa in su l'Ibar a Mitrovica, cità del Kosovo. A l'è vist 'me vun di simbol de la partizzion in tra la comunità kosovara e quella serba, desgià che a Sud ghe viven circa 80'000 albanes e a Nord circa 50'000 serb, insema a sgent de varia altra nazzionalità. Doperad in principi 'me post de bloch e confin de facto in tra l'enclave serba del Kosovo e 'l rest del Pais, incoeu a l'è vert domà ai pedon e l'è sorveliad de la Multinational Specialized Unit di Carabiner italian, part de la mission KFOR, e de la Polizzia del Kosovo, ma a gh'è nissun controll per quei che ghe passen sora.

El pont l'è stad fad su in del 2001 grazzia a un finanziament de la Franza, e l'ha sostituid un vegg pont dannegiad de la guerra, e l'è vun di trii pont de la cità, i alter a inn doperad propi poch e inn un vegg pont ferroviari e un pont che 'l mena a la stazzion di treni.

Riferiment

• In Mitrovica, a bridge that separates Kosovo's Albanians and Serbs

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Pont Noeuv (Mitrovica)