Poliomielita

Quest articol chì l'è scrivud in lombard, con la Noeuva Ortografia Lombarda

Om che el gh'ha havud la polio

La poliomielita, despess ciamada apena polio, a l'è 'na malatia acuta che la vegn per un virus che 'l se spantega in manera facil soratut per via oro-fecal. In del 90% di cas l'infezzion la fa nagot, ma in del 10% l'è sintomategh e in del 1% di cas el va dent al sistema nervos central e 'l taca i neuron motor, a causà debolezza e paralisi, despess in di gambe, quand che la taca el filon de la schena. In di cas pussee gram la comprometeva la respirazzion e besognava vesser jutad, despess cont el polmon d'azzal.

Recognossuda in del 1840 del Jakob Heine, el poliovirus che la causa l'è descovert in del 1908 del Karl Landsteiner. Vegnen di gran epidemie de 'sto virus a partì del secol quell de desnoeuv, ma grazzia a la vacinazzion l'è squasi descomparida e se pensa che la sarà la terza malatia a vesser scancellada de la Terra, dopo del varioeul e de la pesta bovina.

Riferiment

• Britannica

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Poliomielita

Vos corelade

• Mielopatia
• Sidrome de post-poliomielita
• CD155
• Vacin contra la poliomielita